कोलाडमध्ये दहा दिवस गणपतींचे शांततेत विसर्जन

सिटी बेल लाइव्ह / कोलाड (कल्पेश पवार) 🔶🔷🔷🔶

कोरोना महामारीच्या पार्श्वभूमीवर कोलाड विभागात आज अनंत चतुर्थीला दहा दिवसांचे गणपतींचे विसर्जन अतिशय शांततेत व भक्तीमय वातावरणात करण्यात आले.

गणेश चतुर्थीच्या दिवशी घरोघरी आगमन झालेल्या गणरायांचे अनंत चतुर्थीला दहाव्या दिवशी मोठ्या भक्तीमय वातावरणात विसर्जन करण्यात आले.कोलाड विभागातील विविध गावात घराघरात व सार्वजनिक मंडळ तसेच काही ग्रामस्थांनी आपल्या गावातील सार्वजनिक ठिकाणी सालाबादप्रमाणे याही वर्षी श्री. गणेशाची स्थापना करुन नित्यनेमाने पुजा,आरती व अन्य धार्मिक कार्यक्रम यथायोग्य पद्धतीने पार पाडले.

कोरोना महामारीने सर्वच बाबतीय बंधने आली असल्याने सण-उत्सव साजरे करताना शासनाने ठरवून दिलेल्या नियमांचे चौकटीत साजरे करावयाचे असल्याने कोलाड विभागात देखील शासकीय नियमानुसार गणेशोत्सव साजरा करण्यात आला.

दरवर्षी गणेशोत्सव कालावधीमध्ये उत्सवाचे आकर्षण म्हणून विविध धार्मिक तसेच समाज प्रबोधनात्मक देखावा तसेच चलचित्र दाखवले जाते.तसेच विविध कार्यक्रमांचेही आयोजन केले जाते. परंतू या वर्षी कोरोना महामारीचा वाढत चाललेला प्रादूर्भाव पाहता अतिशय साध्या पद्धतीत व मनामध्ये भक्ती ठेऊन प्रत्येकाने हा उत्सव साजरा केला. तर आज अनंत चतुर्थीला शांततेच्या वातावरणात गणपती बाप्पा मोरया, पुढच्या वर्षी लवकर या अशाप्रकारे भावपूर्ण निरोप देण्यात आला.