जे. एम. म्हात्रे चॅरिटेबल संस्थेच्या तिन्ही शाळांचा दहावीचा शंभर टक्के निकाल

जे. एम. म्हात्रे चॅरिटेबल संस्था संचलित हिमांशू दिलीप पाटील इंग्लिश मिडियम स्कूल, न्यू इंग्लिश मिडियम स्कूल तसेच पदाजी पांडुरंग मुंबाईकर इंग्लिश मिडियम स्कूल अँड ज्युनियर कॉलेज या तिन्ही विद्यालयांचा इयत्ता दहावीचा मार्च २०२६ परीक्षेचा निकाल अत्यंत उल्लेखनीय लागला असून तिन्ही शाळांनी शंभर टक्के निकालाची उज्ज्वल परंपरा कायम राखली आहे.

ग्रामीण भागातील विद्यार्थ्यांना दर्जेदार इंग्रजी माध्यमाचे शिक्षण उपलब्ध व्हावे, ग्रामीण विद्यार्थ्यांमध्ये आत्मविश्वास निर्माण व्हावा आणि शहरांप्रमाणेच आधुनिक शिक्षणाच्या संधी गावागावात पोहोचाव्यात या दूरदृष्टीतून संस्थेचे संस्थापक मा. श्री. जे. एम. म्हात्रे साहेब यांच्या विचारातून या शाळांची निर्मिती करण्यात आली होती. शिक्षणाच्या माध्यमातून ग्रामीण भागातील विद्यार्थ्यांचे भविष्य घडविण्याचा संस्थेचा संकल्प आजही यशस्वीपणे पुढे नेला जात असल्याची भावना यावेळी व्यक्त करण्यात आली.
तिन्ही विद्यालयांतील सर्व विद्यार्थी उत्तीर्ण झाले असून विद्यार्थ्यांच्या या यशामुळे परिसरात आनंदाचे वातावरण निर्माण झाले आहे. संस्थेचे पदाधिकारी, शिक्षकवृंद, पालक व नागरिकांकडून विद्यार्थ्यांवर अभिनंदनाचा वर्षाव होत आहे.

हिमांशू दिलीप पाटील इंग्लिश मिडियम School मधील गुणवंत विद्यार्थ्यांमध्ये —
🏅 कु. श्वेता प्रभुनाथ पटेल – ८९ टक्के
🏅 कु. महिमा जनार्दन गावडे – ८९ टक्के
🏅 कु. रुद्राणी द्वारकानाथ पाटील – ८९ टक्के
या विद्यार्थिनींनी संयुक्तरीत्या प्रथम क्रमांक पटकावला.
तसेच —
🏅 प्रिन्स कुमार दिनेश मंडल – ८२.६० टक्के
🏅 रश्मित रुपेश कांबळे – ८२ टक्के
या विद्यार्थ्यांनीही उल्लेखनीय यश संपादन केले.
तर न्यू इंग्लिश मिडियम स्कूल मधील गुणवंत विद्यार्थ्यांमध्ये —
🏅 कु. रिया मनोज शेस्त्री – ८२.२० टक्के
🏅 आदित्य रजनीश भारतीय – ७९ टक्के
🏅 कु. तृष्णा संतोष नेवरेकर – ७५ टक्के
या विद्यार्थ्यांनी विशेष यश संपादन करून विद्यालयाचा गौरव वाढविला आहे.
तसेच पदाजी पांडुरंग मुंबाईकर इंग्लिश मिडियम स्कूल अँड ज्युनियर कॉलेज मधील गुणवंत विद्यार्थ्यांमध्ये —
🏅 कु. प्राजक्ता दीनानाथ ठाकूर – ८९.४० टक्के
🏅 मास्टर शौर्य शैलेश पाटील – ८९.२० टक्के
🏅 कु. गीतिका मेघनाथ पाटील – ८८.४० टक्के
या विद्यार्थ्यांनी उल्लेखनीय यश संपादन करून विद्यालयाचा नावलौकिक वाढविला आहे.

विद्यालयांच्या मुख्याध्यापकांनी विद्यार्थ्यांचे अभिनंदन करताना सांगितले की, विद्यार्थ्यांनी सातत्यपूर्ण अभ्यास, शिक्षकांचे मार्गदर्शन आणि पालकांच्या सहकार्याच्या जोरावर हे यश मिळविले आहे. ग्रामीण भागातील विद्यार्थ्यांनी मेहनत, शिस्त आणि जिद्दीच्या जोरावर उत्कृष्ट निकाल मिळवत एक आदर्श निर्माण केला आहे.
तिन्ही विद्यालयांमध्ये विद्यार्थ्यांच्या शैक्षणिक गुणवत्तेबरोबरच व्यक्तिमत्त्व विकास, इंग्रजी माध्यमातील आत्मविश्वास, स्पर्धा परीक्षा तयारी, संस्कारमूल्ये आणि सर्वांगीण विकासावर विशेष भर दिला जात असल्याचे यावेळी सांगण्यात आले.

  यावेळी संस्थेचे अध्यक्ष श्री. प्रितम जनार्दन म्हात्रे यांनी विद्यार्थ्यांचे, शिक्षकांचे व पालकांचे अभिनंदन करताना सांगितले की,
  “विद्यार्थ्यांनी मिळवलेले हे यश केवळ गुणांपुरते मर्यादित नसून त्यांच्या मेहनती, शिस्त आणि जिद्दीचे प्रतीक आहे. ग्रामीण भागातील विद्यार्थ्यांना दर्जेदार शिक्षण मिळावे हा संस्थेचा नेहमीच प्रयत्न राहिला आहे. पुढील काळातही संस्थेच्या माध्यमातून शैक्षणिक गुणवत्ता, संस्कार आणि विद्यार्थ्यांचा सर्वांगीण विकास याला प्राधान्य देत असेच उत्कृष्ट निकाल कायम राखण्याचा आमचा संकल्प आहे.”

— श्री. प्रितम जनार्दन म्हात्रे
अध्यक्ष, जे. एम. म्हात्रे चॅरिटेबल संस्था

या यशामागे शिक्षकांचे सातत्यपूर्ण मार्गदर्शन, पालकांचे सहकार्य आणि विद्यार्थ्यांची मेहनत हे महत्त्वाचे घटक ठरल्याची भावना विद्यालय व्यवस्थापनाकडून व्यक्त करण्यात आली.
तिन्ही विद्यालयांच्या शंभर टक्के निकालामुळे रायगड जिल्ह्यातील ग्रामीण शैक्षणिक क्षेत्रात संस्थेने पुन्हा एकदा आपली वेगळी ओळख निर्माण केली आहे.
यावेळी संस्थेचे अध्यक्ष श्री. प्रितम जनार्दन म्हात्रे यांनी सर्व गुणवंत विद्यार्थ्यांचा सन्मान करून त्यांचे विशेष कौतुक केले व पुढील शैक्षणिक वाटचालीसाठी शुभेच्छा दिल्या. विद्यार्थ्यांनी ग्रामीण भागातील शैक्षणिक परंपरेचा गौरव वाढवत उत्कृष्ट यश संपादन केल्याबद्दल समाधान व्यक्त करण्यात आले.
याप्रसंगी सौ. ममता प्रितम म्हात्रे, सभापती महिला व बालकल्याण समिती, पनवेल महानगरपालिका या उपस्थित होत्या.