विज्ञान प्रदर्शनाच्या माध्यमातून विद्यार्थ्यांना उच्च स्तरावर जाण्याची संधी : गटविकास अधिकारी गजानन लेंडी

पेण (वार्ताहर) : राज्याच्या विविध शाळांमधील विद्यार्थीवर्ग विज्ञान प्रदर्शन दाखवत असताना त्यांच्या कलागुणांना या माध्यमातून उच्च स्तरावर जाण्याची संधी उपलब्ध होत असल्याचे प्रतिपादन पेण पंचायत समितीचे गटविकास अधिकारी गजानन लेंडी यांनी केले आहे.पेण पंचायत समिती शिक्षण विभाग तालुका विज्ञान व गणित अध्यापक मंडळ तसेच कोनायसन्स स्कूल बोरगाव यांच्या संयुक्त विद्यमाने आज घेण्यात आलेल्या तालुका विज्ञान प्रदर्शनाचे उद्घाटन गटविकास अधिकारी गजानन लेंडी, गटशिक्षणाधिकारी शर्मिला शेंडे यांच्या हस्ते करण्यात आले.

यावेळी कोनायसन्स स्कूलचे अध्यक्ष डॉ.मनीष वनगे, डॉ. सोनाली वनगे, खजिनदार ज्योती गुरव, संचालक प्रकाश गुरव, शाळेच्या मुख्याध्यापिका सुप्रिया विखणकर, नगरपालिका प्रशासन अधिकारी गणेशसिंग ठाकूर, नायब तहसीलदार नितीन परदेशी, केंद्रप्रमुख चक्रपाणी भगत, विज्ञान अध्यापक मंडळ अध्यक्ष दादासाहेब कुंभार, गणित अध्यापक मंडळ सुभाष रोटे, किशोर पाटील, दशरथ ऐरणकर अदिंसह विद्यार्थी, शिक्षक, शिक्षकेतर कर्मचारी मोठ्या संख्येने उपस्थित होते.यावेळी अधिक सांगितले की विद्यार्थ्यांनी मोठी स्वप्ने पाहिली पाहिजेत तरच आपण शैक्षणिक दृष्ट्या उच्च पदावर जाऊ शकतो त्यामुळे या प्रेरणेतून उद्याचे भवितव्य आपल्यासाठी अवलंबून आहे असे शेवटी लेंडी यांनी सांगितले.तर यावेळी कोनायस्नस या शाळेत आयोजित करण्यात आलेल्या विज्ञान प्रदर्शनात विद्यार्थ्यांनी वेगवेगळ्या प्रदर्शनाची सविस्तर माहिती उपस्थित मान्यवरांना देत प्रदर्शनात सहभाग घेतला.