वहाळ क्रीडा प्रबोधिनी येथे ध्वजारोहण संपन्न
सिटी बेल लाईव्ह/ पनवेल.
कर्नाळा चॅरिटेबल ट्रस्ट संचालित क्रीडा प्रबोधिनी, वहाळ येथे 74 व्यां स्वातंत्र्य दिनाचे निमित्ताने ध्वजवंदन करण्यात आले.शाळेच्या इमारतीसमोरच्या प्रांगणात तिरंगा डौलाने फडकवण्यात आला.ज्येष्ठ सामाजिक कार्यकर्ते मो. का. मढवी गुरुजी यांच्या हस्ते ध्वजवंदन संपन्न झाले. यावेळी सामाजिक अंतर राखण्याबाबत च्या नियमांचे काटेकोरपणे पालन करण्यात आले होते. कोरोना विषाणू महामारी चे सावट स्वातंत्रदिन सोहळ्यावर असले तरीसुद्धा भारत देशाच्या सर्वोच्च दिनाचा सोहळा त्याच थाटात आणि अभिमानाने संपन्न झाला.कितीही संकटे आली तरी तिरंग्याच्या ध्वजारोहण सोहळ्याची आन,बान आणि शान कमी होऊ देणार नाही अशी भावना प्रत्येक उपस्थितांच्या मनामध्ये होती. या ध्वजारोहण सोहळ्याला कर्नाळा स्पोर्ट्स अकॅडमी चे उपाध्यक्ष, श्री साई संस्थान,वहाळ चे संस्थापक अध्यक्ष रविशेठ पाटील, तंटामुक्ती समितीचे अध्यक्ष सिताराम शेठ नाईक, शाळा समितीचे चेअरमन बाळाराम कृष्णा पाटील, माजी सरपंच अरुण दापोलकर,पोलीस कर्मचारी देवदास दापोलकर आदी मान्यवर उपस्थित होते.
Be First to Comment