उलवे नोड, ता. ६ : आंतरराष्ट्रीय कामगार नेते आणि काँग्रेसचे जिल्हाध्यक्ष महेंद्रशेठ घरत यांच्या मातोश्री दिवंगत यमुनाबाई तुकाराम घरत यांचा अकरावा स्मृतिदिन मंगळवारी (ता. ११) आहे. यावेळी कला, क्रीडा, सामाजिक, शैक्षणिक, वैद्यकीय व प्रशासकीय सेवेत उल्लेखनीय कामगिरी करणाऱ्या महिलांचा सन्मान करण्यात येणार आहे.
यावेळी महिला व बालकल्याण मंत्री आदितीताई तटकरे, प्रसिद्ध अभिनेत्री मृणाल कुलकर्णी यांना ‘यमुना स्त्री सन्मान पुरस्कारा’ने सन्मानित करण्यात येणार आहे. हा कार्यक्रम शेलघर येथील महेंद्र घरत यांच्या ‘सुखकर्ता’ बंगल्याच्या गार्डनवर होईल. महाराष्ट्र राज्याचे वनमंत्री नामदार गणेश नाईक यांच्या हस्ते आणि माजी खासदार रामशेठ ठाकूर यांच्या अध्यक्षतेखाली हा पुरस्कार सोहळा सकाळी 11 वाजता पार पडणार आहे.
सिडकोचे सहव्यवस्थापकीय संचालक गणेश देशमुख, पनवेल महापालिकेचे आयुक्त मंगेश चितळे यावेळी प्रमुख पाहुणे म्हणून उपस्थित राहणार आहेत. ‘यमुना सामाजिक व शैक्षणिक संस्था’, शेलघरच्या वतीने या पुरस्कार सोहळ्याचे आयोजन करण्यात आले आहे असे संस्थेच्या सचिव शुभांगी महेंद्रशेठ घरत यांनी सांगितले.
Be First to Comment