गेल इंडिया लिमिटेड, उसर यांच्या वतीने उसर येथील महिलांसाठी स्वसंरक्षण प्रशिक्षणास सुरुवात

अलिबाग (धनंजय कवठेकर)

गेल इंडिया लिमिटेड, उसर यांच्यावतीने उसर गावातील महिला व मुलींसाठी पाच दिवसीय मोफत स्वसंरक्षण स्वयंसिद्धा प्रशिक्षण शिबिराचे आयोजन अनुप गुप्ता – मुख्य महाप्रबंधक पीडीएचपीपी प्रोजेक्ट गेल उसर व जितिन सक्सेना – महाप्रबंधक, शितल लाकरा – मुख्य प्रबंधक यांच्या प्रमुख मार्गदर्शनाखाली करण्यात आले असून सदर प्रशिक्षण शिबिराचे उद्घाटन अश्विनी दिनेश शिंदे- पोलीस पाटील उसर, शशिकला धसाडे- पोलीस पाटील, कुणे यांच्या हस्ते करण्यात आले. यावेळी या कार्यक्रमास आंतरराष्ट्रीय खेळाडू तथा प्रिझम संस्थेच्या अध्यक्षा तपस्वी नंदकुमार गोंधळी, अर्चना देवेंद्र शिंदे अध्यक्षा आई एकविरा महिला बचत गट,उसर, मिताली अमोद शिंदे- आई एकविरा महिला बचत गट उसर, प्रियांका शैलेंद्र शिंदे -उपाध्यक्ष, ग्रामस्थ अस्मिता अशोक शिंदे, प्रणाली गणेश दमामे, तन्वी विनय शिंदे, विजया विलास शिंदे, प्रशिक्षिका निकी बेंडे, प्रणाली तळेगावकर, हर्षाली नागावकर, वेदिका लाडगे व प्रशिक्षणार्थी उपस्थित होते.

अश्विनी दिनेश शिंदे यांनी उपस्थित महिला व मुलींना शुभेच्छा देत स्वसंरक्षणाचे महत्त्व सांगितले व प्रिझम सामाजिक विकास संस्थेस शुभेच्छा दिल्या तसेच शशिकला धासाडे यांनी स्वसंरक्षणाचे फायदे याविषयी सांगितले तर तपस्वी गोंधळी यांनी या पाच दिवसाच्या स्वयंसिद्धा प्रशिक्षण शिबिरामध्ये कशाप्रकारे प्रशिक्षण दिले जाणार आहे याविषयी सविस्तर माहिती दिली. या प्रशिक्षणास उसर गावातील महिलांचा उत्स्फूर्त प्रतिसाद लाभत आहे.