महायुतीचे उमेदवार आमदार प्रशांत ठाकूर यांच्या बाईक रॅलीला उदंड प्रतिसाद 

पनवेल (प्रतिनिधी ) भाजप, शिवसेना, राष्ट्रवादी, आरपीआय आणि मित्रपक्ष माहायुतीचे पनवेल मतदार संघाचे उमेदवार आमदार प्रशांत ठाकूर यांच्या प्रचारार्थ पनवेल आणि खांदा कॉलनी शहरामध्ये भव्य बाईक पार पडली.  यावेळी शेकडो कार्यकर्त्यांनी आणि त्या प्रामुख्याने तरुणांनी मोठ्या जोशात एकत्र येत बाईकवर बाईक रॅलीने जोरदार प्रचार केला. यावेळी महायुतीचे उमेदवार 

आमदार प्रशांत ठाकूर यांना नागरिकांचा उदंड प्रतिसाद लाभला.       पनवेल विधानसभा क्षेत्राला विकासाच्या दिशेने नेणारे कार्यकुशल आमदार प्रशांत ठाकूर यांचा जोरदार सुरु आहे. त्यानुसार पनवेल शहरात भव्य बाईक रॅलीचे आयोजन सोमवारी सायंकाळी करण्यात आले होते. शहरातील सोसायटी ग्राऊंड पासून या रॅलीला सुरु झाली असून पुढे गांधी हॉस्पिटल छत्रपती शिवाजी महाराज चौक – पंचरत्न चौक-एमजी रोड-पोटे मसाला-मुसलमान नाका-विट सेंटर साईनगर दि. बा. पाटील साहेब संग्राम बंगला-सहस्त्रबुद्धे हॉस्पीटल पायोनियर मॉर्डन स्वीट-खांदा कॉलनी भाजपा कार्यालय- साई बाबा मंदीर-किबा हॉटेल-अष्टविनायक हॉस्पीटल श्रीकृपा हॉल सेक्टर ६ दुर्गामाता मंदीर-मेन मार्केट-तिर्थराज सोसायटी-खांदा कॉलनी पूल,   सेक्टर १० सीकेटी कॉलेज असे मार्गक्रमण करत भाजपा कार्यालयाजवळ या रॅलीची सांगता झाली.          

यावेळी कोकण शिक्षक मतदार संघाचे आमदार ज्ञानेश्वर म्हात्रे, माजी सभागृहनेते परेश ठाकूर, विश्वजीत बारणे, भाजपचे उत्तर रायगड जिल्हा उपाध्यक्ष जयंत पगडे, विधानसभा प्रमुख व जिल्हा सरचिटणीस नितीन पाटील, भाजपचे पनवेल शहर अध्यक्ष अनिल भगत, राष्ट्रवादीचे नेते शिवदास कांबळे, शिवसेनेचे पनवेल जिल्हा प्रमुख रामदास शेवाळे, महानगर प्रमुख अॅडव्होकेट प्रथमेश सोमण, माजी उपमहापौर सीताई पाटील, माजी नगरसेवक एकनाथ गायकवाड, माजी नगरसेविका दर्शना भोईर, हेमलता म्हात्रे, हारुशेठ कोळी, पंचायत समितीचे माजी सदस्य निलेश पाटील, माजी उपनगराध्यक्ष मदन कोळी, भाजपचे पनवेल शहर उपाध्यक्ष अमित ओझे, भिमराव पोवार, युवानेते केदार भगत, संजय जैन, पवन सोनी, सतीश पाटील, मयुरेश खिस्मतराव, युवा मोर्चा उत्तर रायगड जिल्हाध्यक्ष मयुरेश नेतकर, पनवेल शहर अध्यक्ष सुमित झुंझारराव, स्वप्नील ठाकूर, रोहित जगताप, जवाद काझी, देवांशु प्रभाळे यांच्यासह महायुतीचे पदाधिकारी, कार्यकर्ते आणि नागरीक मोठ्या संख्येने सहभागी झाले होते. या बाईक रॅली दरम्यान येत्या २० तारखेला कमळ चिन्हासमोरील बटन दाबून आमदार प्रशांत ठाकूर यांना प्रचंड विजयी करा, असे आवाहन मतदारांना करण्यात आले.
कोट-        

आपला उमेदवारी अर्ज दाखल करताना आमदार प्रशांत ठाकूर यांनी प्रकल्पग्रस्तांचे झुंझार नेते स्वर्गीय दि. बा. पाटील साहेबांच्या संग्राम निवासस्थानी जाऊन दिबासाहेबांना विनम्र अभिवादन केले होते. सोमवारी सायंकाळी झालेल्या रॅलीच्या दरम्यानही आमदार प्रशांत ठाकूर यांनी संग्राम निवासस्थानी भेट दिली. यावेळी दिबासाहेबांच्या कुटुंबाकडून औंक्षण करून त्यांचे जोरदार स्वागत करण्यात आले.