शिवसेना उध्दव बाळासाहेब ठाकरे खालापूर तालुका संघटक पदी देवेंद्र देशमुख यांची निवड

सिटी बेल ∆ काशिनाथ जाधव ∆ पाताळगंगा ∆

शिवसेना पक्षप्रमुख उध्दव बाळासाहेब ठाकरे यांच्या मार्गदर्शना नुसार तर संपर्क प्रमुख बबनदादा पाटील व शिवसेना जिल्हाप्रमुख तथा माजी आमदार मनोहर भोईर यांच्या नेतृत्वाखाली शिवसेना खालापूर तालुका संघटक पदी देवेंद्र देशमुख यांची निवड करण्यात आल्याने त्या आशयाचे नियुक्ती पत्र जिल्हाध्यक्ष मनोहर भोईर यांच्या हस्ते देण्यात आल्याने देवेंद्र देशमुख यांच्यावर अभिनंदनाचा वर्षाव होत आहे.

याप्रसंगी जिल्हाप्रमुख तथा माजी आमदार मनोहर भोईर, सहसं पर्कप्रमुख भाई शिंदे, सल्लागार नवीनदादा घाटवल, विधानसभा संपर्कप्रमुख डॉ. सुनील पाटील, तालुकाप्रमुख एकनाथ पिंगळे, जि.प.सदस्य मोतिराम ठोंबरे, माजी पं.स.उपसभापती श्यामभाई साळवी, उपतालुकाप्रमुख निलेश पाटील, विभागप्रमुख चिंतामण चव्हाण, मनोहर देशमुख आदिप्रमुख पदाधिकारी उपस्थित होते.

तर यावेळी नवनिर्वाचित खालापूर तालुका संघटक देवेंद्र देशमुख यांनी आपले मत व्यक्त करताना म्हणाले की, संघटनात्मक ध्येय – धोरणे आणि शिवसैनिक – युवासैनिकांच्या हिताचेच उपक्रम वरिष्ठांच्या मार्गदर्शनानुसार वेळोवेळी निष्ठेने राबवून शिवसेना पक्ष संघटना वाढीसाठी मेहनत घेईल. तसेच सर्वसामान्याच्या न्याय हक्कांसाठी सदैव लढण्याची तत्परता दाखवून सक्रिय राहील असे मत देवेंद्र देशमुख यांनी व्यक्त केले.