करंजाडेतील समस्यांबाबत लवकरच आढावा बैठक लावण्याचे आश्वासन

आमदार जयंत पाटील यांनी
कारंजाडेतील शेकाप पुरस्कृत गरबा दांडियाला दिली भेट

सिटी बेल ∆ पनवेल ∆

“पनवेल परिसरातील शेतकरी कामगार पक्षाचा बालेकिल्ला राखून पक्षाशी गद्दारी न करता  शेतकरी कामगार पक्षाशी एकनिष्ठ असलेला सच्चा कार्यकर्ता म्हणजे करंजाडे वसाहतीचा सरपंच रामेश्वर आंग्रे होय” असे उद्गार शेकाप चे आमदार जयंत पाटील यांनी काढले.

आ.पाटील यांनी करंजाडे येथील शेकाप पुरस्कृत गरबा दांडिया 2022 ला भेट दिली. यावेळी सरपंच रामेश्वर आंग्रे तसेच उपसरपंच योगेंद्र कैकाडी यांनी पाटील यांचे पुष्पगुछ देऊन सन्मान केला. यावेळी माजी नगराध्यक्ष जे.एम.म्हात्रे, गणेश कडू, राजेश केणी यांच्यासह कार्यकतें उपस्थित होते.

करंजाडे वसाहतीतील सेक्टर 4 येथील साकार अकॅडमि मैदानावर नवरात्र उत्सवाच्या निमिताने शेकाप पुरस्कृत गरबा दांडिया 2022 चे आयोजन करण्यात आले आहे. माजी नगराध्यक्ष जे.एम.म्हात्रे, विरोधीपक्षनेते प्रीतम म्हात्रे यांच्या मार्गदर्शनाखाली शेकापचे करंजाडे वसाहतीचे डॅशिंग व युवकांचे प्रेरणास्थान असलेले सरपंच रामेश्वर आंग्रे त्याचबरोबर त्याच्या साथीला साथ देणारे उपसरपंच योगेंद्र कैकाडी यांनी या कार्यक्रमादरम्यान कोणताही अनुसुचित प्रकार घडु नये यासाठी महिलासाठी, मुलांसाठी तसेच लहान मुलासाठी असे वेगवेगळी दांडिया खेळण्यासाठी जागा उपलब्ध करून दिली आहे.

या नवरात्र कार्यक्रमाला वेगवेगळ्या संघटनेचे पदाधिकारी, सामाजिक क्षेत्रातील, जेष्ठ नागरिक, राजकीय त्याचबरोबर पत्रकारांनी भेटी दिल्या. त्याचबरोबर शेकापचे आमदार भाई जयंत पाटील यांनी देखील या दांडिया गरबा उत्सवाला नुकतीच भेट दिली. यावेळी या कार्यक्रमाच्या नियोजनाबद्दल रामेश्वर आंग्रे तसेच योगेंद्र कैकाडी यांचे पाटील यांनी कौतुक केले. त्याचबरोबर एका पक्षातून दुसऱ्या पक्षात जाणाऱयांची कमी नाही. मात्र “रामेश्वर आंग्रे” हा शेतकरी कामगार पक्षाशी एकनिष्ठ असलेला सच्चा कार्यकर्ता असल्याचे उदगार आमदार पाटील यांनी यावेळी काढले.

करंजाडेतील समस्यांबाबत लवकरच बैठकीचे आयोजन : आमदार जयंत पाटील

यावेळी आंग्रे यांनी करंजाडे वसाहतीला भेडसावणाऱ्या समस्यांचा पाढा वाचला. सिडकोकडून कोणतेही सुविधा आजपर्यत या वसाहतीला दिलेली नाही. त्याचबरोबर परटेक समस्यांकरिता सिडकोबरोबर नागरिकांना एकप्रकारे युद्ध करावे लागत आहे. यामध्ये रस्त्यावर पडलेले खड्डे, पाणी, वीज, हक्काचे मैदान, गार्डन अश्या विविध सुविधा सिडकोने दिलेल्या नाहीत, यावेळी आमदार जयंत पाटील यांनी लवकरच करंजाडेतील समस्यांबाबत आढावा बैठक लावण्याचे आश्वासन यावेळी दिले.