तुपगाव ग्रामपंचायतीतील प्रभाग क्रमांक तीन मधून तीन उमेदवार बिनविरोध

सिटी बेल ∆ काशिनाथ जाधव ∆
पाताळगंगा ∆

सध्या खालापूर तालुक्यातील ग्रामपंचायत निवडणुकीचे वारे वाहू लागले असून तालुक्यातील तुपगाव,आसरे, चौक, व लोधवली या ग्रामपंचायतच्या निवडणुका १६ ऑक्टोबर रोजी होत आहेत या चारही ग्रामपंचायत मध्ये अटीतटीचे लढत पाहायला मिळत असून पाली ( खुर्द ) तुपगाव ब्राह्मण आली प्रभाग क्रमांक तीन मधून सुयोग भालेराव, स्वाती जाधव व सचिन साखरे बिनविरोध झाले आहेत.

या तिन्ही उमेदवार चर्चा नंतर बिनविरोध झाल्यामुळे तुपगाव व चौक विभागात प्रभाग क्रमांक तीन पाली खुर्द ब्राह्मण आळीचे कौतुक होत आहे
यावेळी बिनविरोध उमेदवार सुयोग भालेराव यांनी सांगितले की पाली खुर्द प्रभाग क्रमांक तीन ब्राह्मण (आळी) मधील या तिन्ही उमेदवार बिनविरोध करण्यासाठी ग्रामस्थ व तरुणांनी विचार विनिमय करून शांततेत प्रभागाच्या विकासासाठी सामंजसपणे निर्णय घेतला.

निवडणुकीचा खर्च पाहता यापुढे येणाऱ्या निवडणुका अशाच प्रकारे सामंजसने बिनविरोध करण्याचा आमचा मानस असून प्रभाग क्रमांक तीन पाली( खू )तुपगाव ब्राह्मण आली या प्रभागातील विकास कामे करण्यासाठी व समाजसेवेसाठी आम्ही तिन्ही उमेदवार कटिबद्ध असल्याचे सांगितले.

यावेळी बिनविरोध निवड झालेल्या ग्रामस्थांतर्फे अभिनंदन करण्यात आले.यावेळी ग्रामस्थांचे आभार मानण्यात आले.