अविनाश पडवल यांची मनसेच्या जिल्हा सचिवपदी निवड

सिटी बेल ∆ रसायनी ∆ राकेश खराडे ∆

मनसे नेते अनिल शिदोरे यांच्या मार्गदर्शनाखाली मनसे नेते बाबू वागस्कर, मनसे पक्षाचे सरचिटणीस हेमंत संभुस व किशोर शिंदे यांच्या उपस्थितीत उत्तर रायगड जिल्हाध्यक्ष संदेशभाई ठाकूर यांच्या शिफारशीने रसायनी वृंदावन फ्लोरा येथे वास्तव्यास असलेले अविनाश पडवल यांची जिल्हा सचिव (प्रचार व प्रसार)पदी नियुक्ती करण्यात आली आहे.

याअगोदर अविनाश पडवल हे मनसेचे तालुकाध्यक्ष होते.त्यांचे मनसे पक्षासाठी महत्वाचे योगदान आहे.तरुणांना प्रोत्साहन देत त्यांना रोजगाराच्या संधी उपलब्ध करून देणे.नागरिकांच्या मदतीला धावून जाणे हा त्यांचा स्वभाव परिसरातील नागरिकांना परिचित आहे.गोरगरीब आदीवासी बांधवांना त्यांचे नेहमीच सहकार्य असते.अविनाश पडवल यांच्या कामाची पोचपावती मनसेने घेतली.त्यांना मनसे पक्षाचे जिल्हा सचिव (प्रचार व प्रसार)पद दिल्याने मनसैनिकांत नवचैतन्य संचारले आहे.