प्रेस संपादक व पत्रकार सेवा संघ महाराष्ट्र राज्य संघटनेच्या वतीने मुख्यमंत्र्यांना निवेदन

युट्यूब चॅनल व पोर्टल ला सरकारी जाहीराती द्याव्यात,अधिकृत नोंदणी करून मान्यता देण्याची मागणी

सिटी बेल | संजीव भांबोरे | भंडारा |

प्रेस संपादक व पत्रकार सेवा संघ महाराष्ट्र राज्याच्या वतीने पत्रकार संघाचे संस्थापक अध्यक्ष डी .टी .आंबेगावे साहेब यांच्या आदेशानुसार पत्रकारांच्या विविध मागण्यांकडे शासनाने लक्ष देण्यात यावे याकरिता महाराष्ट्राचे मुख्यमंत्री उद्धव ठाकरे यांना ई-मेल द्वारे प्रेस संपादक व पत्रकार सेवा संघाचे महाराष्ट्र राज्याचे उपाध्यक्ष पंकज वानखडे व राज्य सरचिटणीस संजीव भांबोरे यांनी एका निवेदनाद्वारे केली आहे .

डिजिटल मीडिया साठी महाराष्ट्र सरकारने पुरस्कार सुरू केला आहे त्याच धर्तीवर यूट्यूब चैनल आणि पोर्टल साठी सरकारी जाहिराती सुरू करण्यात याव्यात. आज महाराष्ट्रातील प्रत्येक तालुक्यात यूट्यूब चॅनल किंवा पोर्टल सुरू आहेत. राज्यातील 350 तालुक्याचा हिशोब करता महाराष्ट्र राज्यात 1750 चैनल पोर्टल कार्यरत आहेत .यातील अनेक चॅनल कडे एक लाखापेक्षा जास्त सबस्क्राईब आहेत .या सर्व चॅनल ना प्रिंट आणि इलेक्ट्रॉनिक मिडीया माध्यमाप्रमाणे जाहिराती देण्यात यावेत.

पत्रकार क्षेत्रात नव्या दमाचे पत्रकार असले तरी स्वतःच्या खिशाला कात्रण राहून पत्रकारिता करीत आहेत. त्यांना शासनाने आज आधार देण्याची गरज आहे .आर .एन .आय .प्रमाणे चॅनेल्स साठी स्वतंत्र नोंदी व्यवस्था तयार करून या माध्यमांना अधिकृत मान्यता देण्यात यावी.

त्याचप्रमाणे आज पावेतो महाराष्ट्रातील पत्रकारांना माननीय मुख्यमंत्री महोदय यांच्या सहकाऱ्यांनी मानाचे स्थान मिळाले आहे .परंतु ग्रामीण पत्रकार युट्युब चॅनेल तसेच पोर्टल पत्रकार यांची परिस्थिती हलाखीची व अत्यंत नाजूक अवस्था असून या दुर्बल घटक पत्रकारांकडे विशेष लक्ष देण्यात यावे, प्रेस संपादक व पत्रकार सेवा संघ महाराष्ट्र राज्य यांच्या वतीने मुख्यमंत्री उद्धव ठाकरे यांना निवेदन देण्यात आले असून दिलेल्या प्रमुख मागण्यांमध्ये प्रेस संपादक व पत्रकार सेवा संघ च्या पत्रकारांना शासकीय बैठकांना आमंत्रित करावे ,(प्रेस कन्फरन्स ) आर्थिक दुर्बल घटकात मोडणार्‍या ग्रामीण पत्रकारांना शासकीय योजनेचा लाभ देण्यात यावा ,जिल्हा स्तरावर व तालुका स्तरावर पत्र पत्रकार भवन उभारण्यात निधी उपलब्ध करून द्यावे, यूट्यूब चैनल वर पोर्टल करिता सरकारी जाहिराती सुरू करावी ,पत्रकारांना मानधन लागू करण्यात यावे, पत्रकारांना टोल टॅक्स माफ करण्यात यावे ,पत्रकारांना अधिस्वीकृती पत्रकाराचा दर्जा देण्यात यावा ,सर्व शासकीय निमशासकीय समित्यांवर पत्रकारांची नियुक्ती करण्यात यावी, शासकीय पुरस्कारा करिता पत्रकारांना नाम निर्देशित करण्यात यावेत इत्यादी मागण्यांचा समावेश करण्यात आला.

वरील निवेदन महाराष्ट्र राज्य प्रेस संपादक व पत्रकार सेवा संघटनेचे राज्य उपाध्यक्ष पंकज वानखडे व प्रेस संपादक व पत्रकार सेवा संघटनेचे राज्य सरचिटणीस संजीव भांबोरे यांच्यामार्फत ई-मेल द्वारे पाठविण्यात आलेले आहे.