Press "Enter" to skip to content

कान्हामय गोकुळ

कान्हामय गोकुळ

कान्हाच्या बालक्रिडेत रंगले गोकुळ
राधाकृष्ण रासक्रीडेत मुग्ध गोकुळ

दूध दही लोणी चोरूनी खाई कान्हा
मौज भारी वाटूनी हास्य करी कान्हा

बाजारी जाताना आडवा येई कान्हा
हंडीतील लोणी खाऊनी छेडी गोपींना

पावा वाजवूनी मंत्रमुग्ध करी सकलांना
सवंगड्यासह यमुनातीरी खेळ खेळे कान्हा

कालियाचे गर्वहरण तूच करीसी
निर्भय केले सर्व तू गोकुळवासी

राधाकृष्ण प्रेम रंगे गोकुळी
नाम वदनी अन् कृष्ण वसे ह्रदयी

सर्वांचा सखा,जिवलग असे हा कान्हा
नीलवर्ण लेवुनी हा मोहवी मना

मोरपीस शोभे शिरी मुकुटावर
हाती पावा मंजुळ वाजे मुखावर

भक्तांना रक्षिसी गिरी उचलूनी करांगुली
इंद्रासही नमविले भक्तांना तारूनी

आज वाटे यावे कान्हाने परतुनी
आर्त हाक ऐक कान्हा दिली भक्तांनी

नयना पेंढारकर, नवीन पनवेल

Be First to Comment

Leave a Reply

Your email address will not be published. Required fields are marked *

Mission News Theme by Compete Themes.