योग साधना हि काळाची गरज – सरपंच रामेश्वर आंग्रे
सिटी बेल | संजय कदम | पनवेल |
भारतीय प्राचीन संस्कृती, परंपरा यांमध्ये योग, योगासने, योगसाधना यांना अनन्य साधारण महत्त्व आहे. अगदी प्राचीन काळापासून ऋषीमुनी, साधुसंत यांनी वेळोवेळी योगाचे महत्त्व, त्याचे फायदे आणि त्याची गरज पटवून दिलेली आहे. यामुळे योग साधना हि काळाची गरज आहे. जागतिक योग दिनाच्या पूर्वसंध्येला करंजाडे वसाहतीमध्ये सेक्टर येथील साकार अकॅडमीचे उद्घाटन रविवारी ता. 20 रोजी सरपंच रामेश्वर आंग्रे यांच्या हस्ते करण्यात आले. त्यावेळी त्यांनी सांगितले.
यावेळी सरपंच रामेश्वर आंग्रे, व्यवस्थापक डायरेक्टर हार्दिक गोकाणी, जयंत दिप्ते, पल्लवी आंबटकर, प्रदीप पांचाळ, दीपक पाटील, यांच्या उपस्थित होते.
आजच्या काळातील धकाधकीच्या जीवनात योगाच्या माध्यमातून आपण आपले शरीर तर तंदरुस्त ठेवू शकतो; शिवाय मनावरही चांगले संस्कार करू शकतो. तन आणि मन यांचा एकत्रित व्यायाम म्हणजे योग, असे म्हणता येईल. भारतातील ही योग संस्कृती जागतिक पातळीवर बहुतांश देशांनी स्वीकारली असून, योगासनांचे लाभ त्यांनीही मोठ्या प्रमाणावर अनुभवले आहेत.
जगभरातील देशांनी केवळ योग स्वीकारला नाही, तर त्याचा प्रचार आणि प्रसारही केला. आताच्या घडीला संपूर्ण जगावर करोनाचे सावट असताना योग दिनाला विशेष महत्त्व प्राप्त झाले आहे. शक्य असलेल्या प्रत्येकाने योगाचा अंतर्भाव आपल्या दैनंदिन जीवनात नक्कीच करावा, असे आवाहन करंजाडे ग्रामपंचायतीचे सरपंच रामेश्वर आंग्रे यांनी केले आहे. करंजाडे वसाहतीतील सेक्टर 3 येथे साकार अकॅडमी सुरुवात करण्यात आली आहे. याचे उद्घाटन करण्यात आले. त्याचबरोबर भारतीय धर्म संस्कृतीमधील ‘योग’ संकल्पनेची मांडणी श्रीमद्भगवद्गीता ग्रंथात केलेली आहे. त्याच जोडीने भगवान पतंजली मुनी यांनी आपल्या योगसूत्राद्वारे मानवाच्या शारीरिक, मानसिक, बौद्धिक विकासाची संकल्पना असल्याचे मत यावेळी डायरेक्टर हार्दिक गोकानी यांनी व्यक्त केले. या अकॅडमीमध्ये योगा, डान्स, झुंबा, कराटे, स्विमिंग असे याठिकाणी शिकविण्यात येता असल्याचे गोकाणी यांनी संगितले. तसेच जीएसटी विभागाचे वरिष्ठ अधिकारी जयंत दिप्ते यांनी या अकॅडमीला शुभेच्छा दिल्या.
Be First to Comment