पनवेलकरांची कोव्हीड रूग्णालयाची प्रतीक्षा संपणार !

लवकरच… कळंबोली येथे सुरू होणार अद्यावत कोव्हीड रूग्णालय

रुग्णालयाला देणार स्वर्गीय लोकनेते दि. बा. पाटील यांचे नाव

सिटी बेल लाइव्ह । पनवेल ।

आज कळंबोली येथे “दि बा पाटिल प्रकल्पग्रस्त समितीने” केलेल्या मागणीनुसार सुरू होणार असलेल्या कोव्हिड रुग्णालयाची प्रकल्पग्रस्त समितीचे अध्यक्ष बबनदादा पाटील ह्यांनी पाहणी केली. ह्या हॉस्पिटलमधील सुविधा आणि करण्यात येणार असलेल्या उपाययोजनांचा सिडकोच्या अधिकार्यांसह यावेळी त्यांनी आढावा घेतला.

लवकरच सिडकोचे व्यवस्थापकीय संचालक मुखर्जी ह्यांची भेट घेऊन इस्पितळ व रुग्णांच्या इतर सोयसुविधांबाबत प्रकल्पग्रस्त समिती चर्चा करणार आहे.

लवकरच प्रकल्पग्रस्त समिती सोबत चर्चाकरून सदर इस्पितळाला वंदनीय लोकनेते स्वर्गीय दि. बा. पाटील साहेब ह्यांचे नाव देण्यात यावे अशी मागणीही मुख्यमंत्री उद्धव ठाकरे, नगरविकासमंत्री एकनाथ शिंदे, सिडको तसेच महापालिकेकडे करणार असल्याचे प्रकल्पग्रस्त समितीचे अध्यक्ष बबनदादा पाटील ह्यांनी सांगितले.