सामाजिक उपक्रमांतून विलास फडके यांचा वाढदिवस साजरा

Covid 19 उच्चाटनासाठी केली जनजागृती

तब्बल पाच हजार कुटुंबांना केले मास्क, सेनीटायझर चे वाटप

सिटी बेल लाइव्ह / पनवेल #

जन्मदिनाचे भपकेबाज सादरीकरण न करता समाज उपयोगी कार्यक्रमांतून तो साजरा करणे ही शेतकरी कामगार पक्षाची परंपरा रायगड जिल्हा परिषदेचे सदस्य विलास नारायण फडके यांनी अबाधित राखली आहे. कोरोना विषाणू प्रादुर्भावामुळे जनमानस हवालदील झाले आहे.भयभीत जनतेला धीर देण्याच्या उद्देशाने विलास फडके यांनी त्यांच्या जन्मदिनी आर्सेनिक अल्बम गोळ्या,मास्क, सेनीटायझर यांचे वाटप केले.

सामाजिक उपक्रमांतून आपला वाढदिवस साजरा करणे ही शेतकरी कामगार पक्षाची शिकवण. आपल्या जन्मदिन साजरा करण्यातून आपण समाजाचे ऋण फेडले पाहिजे या संस्कारातून शेतकरी कामगार पक्षाचा कार्यकर्ता विविध पातळ्यांवर झटत असतो. पक्षश्रेष्ठींनी घालून दिलेला हा पायंडा शेतकरी कामगार पक्षाचा प्रत्येक कार्यकर्ता कसोशीने पाळतो. विलास फडके यांनी देखील पक्षाची ची ही परंपरा आबाधित राखल्याने जनमानसातून त्यांच्यावर कौतुकाचा वर्षाव होत आहे.
विलास फडके यांच्या वाढदिवसाच्या निमित्ताने आर्सेनिक अल्बम गोळ्या,मास्क, सेनीटायझर आणि Covid 19 उच्चाटनासाठी माहितीपत्रक असे किट बनवून ते किट गावोगावी पाठविण्यात आली. सामाजिक अंतर राखून प्रत्येक ठिकाणी त्या-त्या गावातील शेतकरी कामगार पक्षाच्या कार्यकर्त्यांनी या साहित्याचे वाटप केले. तब्बल 5000 कुटुंबांना हे अत्यंत महत्त्वाचे साहित्य प्रदान करण्यात आले. विलास फडके यांच्या मार्गदर्शनाखाली शेतकरी कामगार पक्षाच्या कार्यकर्त्यांनी चार दिवस अगोदर म्हणजे रविवार सकाळपासून आजूबाजूच्या गावांत साहित्य वाटपास सुरुवात केली होती.
याबाबत आमच्या प्रतिनिधीने विलास फडके यांच्याशी चर्चा केली असता ते म्हणाले की, आर्सेनिक एल्बम थर्टी या होमिओपॅथिक गोळ्यांच्या सेवनाने परिसरातील नागरिकांची रोगप्रतिकारशक्‍ती वाढण्यास मदत होणार आहे. तसेच आता शेतीच्या कामांनी जोर धरला असल्याकारणाने शेतावर आणि घरी वापरण्यासाठी मास्क, सेनीटायझर अत्यावश्यक आहेत. या सोबतच नागरिकांनी काय करावे आणि काय करू नये या आशयाचे पत्रक आम्ही घरोघरी वाटले आहे.Covid 19 उच्चाटनासाठी आम्ही जनजागृती करत असून जास्तीत जास्त नागरिकांनी निरोगी रहावे यासाठी आम्ही प्रयत्न करत आहोत.