सुधागड तालुक्यात कोरोना रुग्णांची शंभरी पार..!

10 नवे कोरोना बाधित रुग्ण आढळले : एकूण बाधितांची संख्या 115

🔶🔷🔷🔶

तिघांचा मृत्यू : पालीत सर्वाधिक 34 रुग्ण

🔶🔷🔶🔷

सिटी बेल लाइव्ह / पाली/बेणसे.(धम्मशिल सावंत)

✳️💠✳️💠

सुधागड तालुक्यासह जिल्ह्यात कोरोना बाधीत रुग्णांचा आलेख दिवसेंदिवस वाढत आहे. सुधागड तालुक्यात कोरोना पॉझिटिव्ह रुग्णसंख्येने शंभरी पार केलेली आहे. गुरुवारी (दि.20) तालुक्यात 10 कोरोना पॉझिटिव्ह रुग्ण सापडले असून एकाच मृत्यू झाला आहे.

सुधागड तालुक्याचे मुख्यालय असलेल्या पालीत सर्वाधिक 34 रुग्ण असल्याने पालीकरांच्या चिंतेत वाढ झाली आहे.
तालुक्यात आता कोरोनाचे तब्बल 115 रुग्ण आहेत. आत्तापर्यंत कोरोनाचे 71 रुग्ण बरे होऊन घरी परतले आहेत. तर 3 रुग्णाचा मृत्यू झाला आहे. आणि 41 रुग्णावर उपचार सुरू आहेत. अशी माहिती सुधागड-पाली तहसीलदार दिलीप रायन्नावार यांनी दिली आहे. सुधागड तालुक्यात कोरोनाचा संसर्ग वाढत असून नागरिकांनी अधिक जागरूक व सतर्क राहण्याची गरज आहे. नागरिकांनी सर्व शासन नियमांचे पालन करून खबरदारी घ्यावी, स्वतःबरोबर कुटूंबाची सर्वानी काळजी घ्यावी असे आवाहन तहसीलदार दिलीप रायन्नावार यांनी केले आहे.