सिटी बेल लाइव्ह / रोहा (शरद जाधव) :
रोहा नगरपालिकेतर्फे बांधण्यात आलेल्या भाजीमार्केट चा अनावरण सोहळा विधान परिषद आमदार अनिकेत तटकरे यांच्या शुभहस्ते करण्यात आले.
यावेळी नगराध्यक्ष संतोष पोटफोडे, उपनगराध्यक्ष समीर सकपाळ, नगरसेवक मयुर दिवेकर, नगरसेवक महेश कोल्हटकर, राजू जैन, शिल्पा धोत्रे, सारिका पायगुडे, स्नेहा ताई अम्बरे, अहमद दर्जी, नेहा पिंपळे, दिवेश जैन, महेंद गुजर आदी उपस्थीत होते.
रोहा बाजार पेठेत भाजी विक्रेत्यांना योग्य जागा मिळत नव्हती. त्यामुळे त्यांच्या व्यवसायाचा प्रश्न निर्माण झाला होता. ते रस्त्यावर भाजी विकण्यास बसत होते. बाजारात त्यामुळे खुप गर्दी होत होती. वहातूक कोंडी तसेच माणसाला चालायला सुध्दा जागा नव्हती. नगरपालिकेचे लोकप्रतीनिधी यांनी आमदार अनिकेत तटकरे यांच्या कानावर हा विषय टाकला रोह्यसाठी काय पण म्हणत त्यांनी हा विषय तातडीने मार्गी लावला.
जेष्ठ नागरिक हॉल च्या बाजुला 80 भाजी विक्रेते बसतील इतकी मोठी शेड उभारण्यात आली. तसेच फळ वाले रस्त्यावर भाजी विकण्यास बसत असलेल्या महिला यांच्या करिता देखील व्यवस्था करण्यात आली आहे.
या भाजी मार्केट मुळे ग्राहकांना एकाच ठिकाणी खरेदी करता येणार आहे. तसेच भविष्यात वाढणारी बाजारपेठ पहाता उभे करण्यात आलेले मार्केट हे “स्वच्छ रोहा सुंदर रोहा संकल्प” रोहा नगर पालिका राबविताना दिसत आहे. या मार्केटमुळे रस्त्यावर वाहतुक कोंडी सुध्दा होणार नाही. नागरिकांना बाजारात फिरताना गर्दीचा त्रास कमी होणार आहे.
याबाबत अधिक माहीती देताना महेश कोल्हटकर यांनी सांगितले की, खासदार सुनिल तटकरे, पालक मंत्री आदिती तटकरे, आमदार अनिकेत तटकरे यांच्या मार्गदर्शनाखाली आम्ही काम करीत आहोत. गेली अनेक वर्ष नगरपलिकेवर राष्ट्रवादी ची सत्ता आहे. या नगरपालिकेत आसणारे लोकप्रतीनिधी कधीच सत्तेचा गर्व न करता तळागाळातील जनतेची कामे करीत आहोत. म्हणूनच लोकांचा राष्ट्रवादी पक्षावर विश्वास आहे. या पुढे ही आम्ही नगराध्यक्ष टिम सर्व लोकप्रतिनिधी जनतेच्या समस्यांना प्राधान्य देऊ असे कोल्हटकर यांनी पत्रकारांना सांगितले.
Be First to Comment