सारडे गावातील दहावी व बारावी गुणवंत विद्यार्थ्यांचा सत्कार

सिटी बेल लाइव्ह / उरण (घन:श्याम कडू) :

सारडे विकास मंच आणि केअर ऑफ़ नेचर सामाजिक संस्था वेश्वी यांच्या संयुक्त विद्यमाने सारडे गावातील दहावी ( ssc ) बोर्डाच्या शालांत परीक्षेत उज्वल यश संपादन करून उत्तीर्ण झालेल्या विद्यार्थ्यांना तसेच आवरे येथील रामचंद्र म्हात्रे विद्यालयातील बारावी ( HSC) बोर्डाच्या आर्ट,कॉमर्स आणि सायन्स शाखेतील प्रथम तीन विद्यार्थ्यांना तसेच सुयश क्लासेस आवरे टॉपर तीन विद्यार्थ्यां सोबतच जानकीबाई जनार्दन ठाकूर इंग्लिश मीडियम स्कूल आवरेच्या दहावी (ssc) बोर्डाच्या शालांत परीक्षेत उत्तम गुणांनी उत्तीर्ण झालेल्या सहा गुणवंत विद्यार्थ्यांनां त्यांच्या आयुष्यात पुढील शैक्षणिक कारकिर्दीत उत्तुंग भरारी घेण्याकरिता व पंखात नवं बळ यावं या उदात्त हेतूनं त्यांचा पाठीवर कौतुकाची थाप देत सर्व विद्यार्थ्यांना सन्मानपत्र आणि भेट वस्तू प्रदान करून सर्व यशस्वी विद्यार्थ्यांना सन्मानीत करण्यात आले.

सोबतच ह्या विद्यार्थ्यांच्या यशात मोलाचं सहकार्य आणि मार्गदर्शन करणाऱ्या गुरुजन आणि पालक वर्गाचे सुद्धा अभिनंदन करण्यात आलं
ह्या कार्यक्रमासाठी मोलाचं योगदान आणि सहकार्य लाभले केअर ऑफ़ नेचर सामाजिक संस्थेचे संस्थापक राजू मुंबईकर तसेच सारडे विकास मंच चे अध्यक्ष नागेंद्र जी. म्हात्रे, उपाध्यक्ष संपेश पाटील, खजिनदार रोशन पाटील कार्याध्यक्ष रोहित पाटील, कांतीलाल म्हात्रे आणि सर्व सहकारी मंडळी यांच्या उपस्थितीत हा सोहळा संपन्न झाला.