राष्ट्रीय मूलनिवासी बहुजन कर्मचारी संघ या ट्रेड युनियनच्या महाराष्ट्र राज्याच्या उपाध्यक्षपदी संतोष घरत
सिटी बेल लाइव्ह / उरण (विठ्ठल ममताबादे)
राष्ट्रीय मूलनिवासी बहुजन कर्मचारी संघ ही कामगार संघटना बामसेफ या राष्ट्रव्यापी सामाजिक संघटने अंतर्गत संपूर्ण भारतात कार्यरत असून महाराष्ट्रात CFS, रेल्वे, महानगर पालिका, शिक्षण विभाग, ट्रान्सपोर्ट विभाग, विद्युत महामंडळ, संघटित, असंघटित क्षेत्रात या संघटनेचे काम जोरात सुरु आहे. अश्या या कामगार संघाच्या महाराष्ट्र राज्याच्या उपाध्यक्षपदी रायगड जिल्ह्यातील उरण तालुक्यातील जासई गावचे रहिवाशी तथा सामाजिक कार्यकर्ते बहुजन मुक्ती पार्टीचे राज्य पदाधिकारी संतोष रोहिदास घरत यांची निवड वरिष्ठां मार्फत एकमताने करण्यात आली आहे.
संतोष रोहिदास घरत यांचा जन्म उरण तालुक्यातील जासई ह्या गावात झाला. लहानपणा पासूनच फुले शाहू आंबेडकरवादी विचारांना आदर्श मानून त्यांनी वाटचाल केली. आजपर्यंत त्यांनी आपल्या अनेक सामाजिक कामातून सर्वसामान्यांना न्याय मिळवून दिला आहे. त्यांनी मानवाधिकार महासंघाचे महाराष्ट्र राज्याचे सरचिटणीस म्हणून काम पाहीले आहे. राष्ट्रीय नागरी एवं पर्यावरण संरक्षण आंतरराष्ट्रीय संस्थेचे केंद्रीय निरीक्षक म्हणूनही त्यांनी आपली जबाबदारी उत्तमपणे सांभाळली. आजपर्यंत अनेक राष्ट्रीय राज्यस्तरीय पुरस्कारांनी संतोष घरत यांना गौरविण्यात आले आहे. वरिष्ठांनी दाखविलेला विश्वास सार्थ ठरवत फुले शाहू आंबेडकरांच्या विचार व कार्याचा आदर्श डोळ्यासमोर ठेवून सर्वसामान्यांना न्याय देण्याचा, कामगार व कामगार संघटनेला अधिक मजबूत आणि अधिक संघटित करण्याचा माझा प्रयत्न असेल असे मत व्यक्त करत संतोष घरत यांनी वरिष्ठ पदाधिकाऱ्यांचे आभार मानले. दरम्यान संतोष रोहिदास घरत यांच्या निवडीचे सर्व स्तरातून स्वागत होत असून विविध क्षेत्रातून त्यांच्यावर अभिनंदनाचा व शुभेच्छांचा वर्षाव होत आहे.
Be First to Comment