सिटी बेल लाइव्ह / चिरनेर #
पत्रकार मिलिंद खारपाटील यांचे वडील आदर्श शिक्षक गजानन गणू खारपाटील यांचे दशक्रिया विधी आणि उत्तरकार्य चिरनेर खाडी येथे झाले. यावेळी खारपाटील कुटुंबियांकडून चिरनेर स्मशानभूमी आणि चिरनेर खाडी येथे एकूण 50 वड आणि पिंपळ वृक्षांची लागवड करण्यात आली.
गुरुजींचा शैक्षणिक वारसा स्मरणात राहण्याकरीता गुणवंत विद्यार्थ्यांचा गुणगौरव करण्यात येईल असे यावेळी सांगण्यात आले. सदर उत्तरकार्यासाठी चिरनेर ग्रामपंचायत चे सरपंच संतोष चिर्लेकर , ग्रामपंचायत सदस्य रमेश फोफेरकर , नमस्ते मोकल उद्योगपती पी पी खारपाटील, राजेंद्र खारपाटील ,उरण पंचायत समितीचे माजी सभापती भास्कर मोकल, चिरनेरचे माजी सरपंच पद्माकर फोफेरकर, इंटकचे उरण तालुकाध्यक्ष राजेंद्र भगत,आदर्श शिक्षक रोहिदास ठाकूर, भाजपाचे चिरनेर विभागीय अध्यक्ष शशी पाटील ,नरेंद्र महाराज संतसंग चिरनेर चे सेवा केंद्र प्रमुख सुरेश केणी आदी मान्यवर उपस्थित होते यावेळी गुरुजींचे मुले शरद मिलिंद , भारती, जावई , नातवंडे नातेवाईक, गुरुजींचे विद्यार्थी, तसेच खारपाटील परिवारातील अनेक जण उपस्थित होते. यावेळी उपस्थितांना मास्क वाटप करण्यात आले.
उत्तरकार्य वेळी वृक्षारोपण करून स्मृती चिरंतन जपण्याच्या खारपाटील कुटुंबियांच्या या कृतीचे चिरनेर परिसरात कौतुक करण्यात येत आहे.
Be First to Comment