कौतिके चॅरिटेबल फाउंडेशनतर्फे ४७ गरजू विद्यार्थ्यांना शालेय साहित्य वाटप

करंबेली (येरमाळ), ता. पनवेल, जि. रायगड — 15 नोव्हेंबर 2025:
कौतिके चॅरिटेबल फाउंडेशनच्या मिशन–5 अंतर्गत रायगड जिल्हा परिषद शाळा, करंबेली (येरमाळ) येथे 47 गरजू विद्यार्थ्यांना शालेय साहित्याचे वाटप करण्यात आले. “प्रत्येक मदत — एक नवी आशा” या उद्दिष्टातून आयोजित करण्यात आलेल्या या उपक्रमाला शाळेतील शिक्षकवर्ग तसेच संस्थेचे अनेक सदस्य उपस्थित होते.

यापूर्वी RZP स्कूल कोंडप, महोदर, आश्रमशाळा चिरनेर आणि जिल्हा परिषद शाळा सौंदरी येथेही विद्यार्थ्यांना साहित्य वितरण करण्यात आले असून, आजच्या कार्यक्रमातून या उपक्रमाची पुढची पायरी पूर्ण झाली.

कार्यक्रमात कौतिके चॅरिटेबल फाउंडेशनचे सदस्य , विजय जाधव, सतीश जाधव, सौ. जयश्री सुतार, अभिनय सिंग, निलेश कुटे,आशिष मिश्रा, दीपक थोरात,अभिषेक सिंग, संतोष जाधव,आकाश मिश्रा आदी उपस्थित होते.
सौ. जयश्री सुतार यांनी प्रास्ताविक करताना सांगितले की, “जसे प्रवासात वाटसरूला भाकरी-पाण्याची शिदोरी लागते, तसेच ज्ञानयात्रेत प्रत्येक विद्यार्थ्याला शालेय साहित्याचे महत्त्व असते.”

या उपक्रमामुळे विद्यार्थ्यांमध्ये आनंदाचे वातावरण निर्माण झाले असून, ग्रामीण भागात शिक्षणाबद्दल सकारात्मकता आणि प्रोत्साहनाचा संदेश देण्याचा संस्थेचा प्रयत्न यशस्वी होताना दिसत आहे.