नागोठणे प्रतिनिधी : याकूब सय्यद
यांनाउत्कृष्ट कामगिरी केल्याने नागोठण्याचे प्रभारी अधिकारी श्री सचिन कुलकर्णी व कर्मचाऱ्यांचा रायगड पोलीस अधीक्षक आंचल दलाल व अप्पर पोलीस अधीक्षक अभिजीत शिवथरे यांच्याकडून प्रशस्तीपत्रक व रोख रक्कम देऊन गुणगौरव करण्यात आला…
नागोठणे पोलीस ठाण्याचे दैनंदिन कामकाज तसेच सीसीटीएनएस यामध्ये जिल्ह्यात सर्वोत्कृष्ट कामगिरी केल्याने नागोठणे पोलीस ठाण्याचे प्रभारी अधिकारी सचिन कुलकर्णी व त्यांच्या पथकाला गौरविण्यात आले
दिनांक २१ ऑगस्ट २०२५ रोजी रात्री सव्वा नऊच्या दरम्यान नागोठणे पोलीस स्टेशनच्या हद्दीतील आंबा नदीच्या पाण्याच्या पात्रात एका महिलेने उडी मारल्याचे समजताच सदर ठिकाणी जाऊन सदर नदीपात्रात पोलीस हवालदार सुनील वाघ व पोलीस शिपाई स्वप्निल भालेराव असे नदीच्या पात्रात उडी मारून तसेच पोलीस सहायक निरीक्षक सचिन कुलकर्णी पोलीस हवालदार महेश लांगी यांनी रस्सीच्या सहाय्याने मदत करून सदर पाण्यात उडी मारलेल्या महिलेला पाण्यातून बाहेर काढून तिचे प्राण वाचविण्याचे कार्य केले.
त्याचप्रमाणे सीसीटीएनएस ( Crime and Criminal Tracking Network and Systems.) यामध्ये संपूर्ण जिल्ह्यामध्ये प्रथम क्रमांक प्राप्त केल्याने प्रभारी अधिकारी सपोनि सचिन कुलकर्णी व म. पो.ह. मांटे यांना केलेल्या उत्कृष्ट कामगिरीबद्दल रायगड जिल्हा पोलीस दलाकडून बुधवार दिनांक १७ सप्टेंबर रोजी या सर्व कर्तबगार अधिकाऱ्यांना व पोलिसांना रायगड जिल्हा पोलीस अधीक्षक आंचल दलाल यांच्या हस्ते प्रशस्तीपत्रक देऊन गौरवण्यात आले.
या सत्कार बद्दल नागोठणे पोलीस ठाण्याचे सहाय्यक पोलीस निरीक्षक सचिन कुलकर्णी व त्यांच्या टीमचे सर्वत्र कौतुक होऊन त्यांच्यावर संपूर्ण जिल्ह्यातून अभिनंदनचा वर्षाव होत आहे.
Be First to Comment