पनवेल दि. १७ ( वार्ताहर ) : गेले अनेक दिवस सातत्याने युवासेनेचा महापालिका क्षेत्रातील अवैध्य पान टपऱ्या हटवण्याच्या मुद्द्यावर महापालिकेशी पत्रव्यवहार तसेच आयुक्त, उपआयुक्त आणि प्रभाग अधिकाऱ्यांशी भेटीगाठी सुरू आहेत. मात्र त्यानंतरही काही ठराविक अधिकाऱ्यांच्या टपरी मालकांशी असलेल्या लागेबंधांमुळे पनवेल महानगर पालिकेतील काही ठराविक अनाधिकृत पानटपरी हटवल्या गेल्या नाहीत. या विरोधात आता शिवसेना ( उद्धव बाळासाहेब ठाकरे ) पक्षाची युवासेना आक्रमक झाली असून आता प्रत्यक्ष युवा सेना अश्या टपऱ्यांविरोधात धडक कारवाई करणार आहे .
आयुक्त मंगेश चितळे यांनी उपआयुक्त रविकिरण घोडके यांना फोनवर स्पष्ट आदेश देऊन सुद्धा घोडके यांच्याकडून युवासेनेला केलेल्या कार्यवाहीचा अहवाल दिला जात नसल्याने आज युवासेना जिल्हा अधिकारी पराग मोहिते, युवासेना महानगर समन्वयक . जय कुष्टे आणि युवासेना उपशहर अधिकारी . दुर्गेश शुक्ला यांनी उपआयुक्त . रविकिरण घोडके यांना चांगलेच धारेवर धरत शिवसेना स्टाईल दाखवली.
महापालिका आयुक्त यांनी घोडके ना युवासेनेला २ दिवसात केलेल्या कारवाईचा अहवाल देणे आणि बाकी अनधिकृत पान टपऱ्या तातडीने उचलण्याची तंबी दिलेली असतानाही घोडकेंची ही टाळाटाळ नेमकी कोणत्या उद्देशाने आहे? हा प्रश्न आज युवासेनेने विचारला.. यावर उपआयुक्त रविकिरण घोडके यांनी आजच्या आजच युवासेनेला अहवाल देण्याचे मान्य केले आणि त्याचसोबत सर्व सहआयुक्त आणि प्रभाग अधिकाऱ्यांकडून तातडीने कारवाई करण्याचे मान्य केले आहे. पनवेल अतिक्रमण विभागाने या अवैध्य पान टपऱ्यांवर कारवाई करावी अन्यथा प्रत्यक्ष युवा सेना अश्या टपऱ्यांविरोधात धडक कारवाई करेल असा इशारा या वेळी देण्यात आला आहे .
Be First to Comment