पनवेलमध्ये विरोधीपक्ष एकवटले

सर्व पक्षीय नेत्यांनी हिंदी सक्ती च्या जी आर ची शिवाजी चौकात केली होळी

पनवेल दि. २९ ( वार्ताहर ) ; शिवसेना (उद्धव बाळासाहेब ठाकरे) पक्षप्रमुख उद्धवजी बाळासाहेब ठाकरे यांच्या आदेशानुसार महाराष्ट्र द्रोही सरकारच्या मराठी भाषेवर होणाऱ्या आक्रमणा विरोधात हिंदी सक्तीचा जो जीआर भाजप महायुती सरकार ने काढलाय त्या जीआर ची होळी पनवेल तालुक्यातील सर्वपक्षीय नेत्यांच्या वतीने श्री छत्रपती शिवाजी महाराजांच्या अश्वारूढ पुतळा समोर पनवेल येथे होळी करण्यात आली.

यावेळी महाविकास आघाडी सोबत , शेकापचे मा. आमदार बाळाराम पाटील , शिवसेना जिल्हाप्रमुख रायगड शिरीष घरत , मनसे प्रवक्ता योगेश चिल्ले, काँग्रेसचे ज्येष्ठ नेते कॅप्टन कलावत, शिवसेना उपजिल्हा प्रमुख भरत पाटील, शेकापनेते काशिनाथ पाटील,शिरीष बुटाला, अशोक खरे, शशिकांत डोंगरे, महानगर प्रमुख अवचित राऊत, यांच्या सह सर्वपक्षीय पुरूष पदाधिकारी, महिला आघाडी पदाधिकारी, युवासेना पदाधिकारी तसेच मराठी प्रेमी नागरीक मोठ्या संख्येने उपस्थित होते.