प्रकल्पग्रस्तांचे नेते स्वर्गीय लोकनेते दि. बा. पाटील यांच्या स्मृतिदिनानिमित्त लायन ग्रुप महाराष्ट्र राज्य व पनवेल उरण आगरी समाज मंडळ यांच्या संयुक्त विद्यमाने पनवेल शहरातील ज्योतिबा महात्मा फुले सभागृहात (आगरी समाज हॉल) मोफत नेत्र तपासणी व चष्मे वाटप, दंत चिकित्सा, ईसीजी, मधुमेह, रक्तदाब तपासणी शिबीर आयोजित करण्यात आले होते.
माजी खासदार लोकनेते रामशेठ ठाकूर, माजी नगराध्यक्ष जे. एम. म्हात्रे यांच्या प्रमुख उपस्थितीत या शिबिराचे उदघाटन आमदार प्रशांत ठाकूर यांच्या हस्ते करण्यात आले.
यावेळी भाजपचे जिल्हाध्यक्ष अविनाश कोळी, जिल्हा सरचिटणीस नितीन पाटील, संघर्ष समितीचे खजिनदार जे. डी.तांडेल, माजी नगरसेवक विजय चिपळेकर, माजी नगरसेविका दर्शना भोईर, हेमलता म्हात्रे, सारिका भगत, भाजपचे पनवेल शहर मंडल अध्यक्ष सुमित झुंझारराव, लायन ग्रुपचे अध्यक्ष बाळू फडके, उपाध्यक्ष रवींद्र शेळके महिला अध्यक्ष माजी नगरसेविका नीता माळी, विजय गायकर, यांच्यासह पदाधिकारी कार्यकर्ते उपस्थित होते. यावेळी दिबासाहेबांच्या प्रतिमेस पुष्पमाला अर्पण करून अभिवादन करण्यात आले.
Be First to Comment