पेण, ता. 19 (वार्ताहर) : पेण तालुक्यातील डोंगरदऱ्यामध्ये असणाऱ्या चांदीपट्टी गावात दि.११ रोजी अखंड हरिनाम सप्ताह व श्री ग्रंथराज ज्ञानेश्वरीचे सामूहिक पारायण नुसार हनुमान जन्मोत्सव मोठ्या उत्साहात साजरा करण्यात आला.
यावेळी सकाळीची काकड आरती, नित्यपाठ, ज्ञानेश्वरी पूजन, कलश पूजन, ध्वज पूजन, व्यासपीठ पूजन, विनापूजन व श्री ग्रंथराज ज्ञानेश्वरी चे पारायण, प्रवचन व दीपोत्सव ह.भ.प श्री नरेश महाराज जाधव व ह.भ.प.पांडुरंग महाराज दळवी यांच्या उपस्थितीत करण्यात आले.तसेच रात्री भागवताचार्य ह.भ.प हर्षाला ताई मगर (टिटवाला) यांच्या कीर्तनचे आयोजन करण्यात आले होते.तसेच दिनांक १२ एप्रिल रोजी सकाळी हनुमान जन्मोत्सव, अभिषेक, सत्यनारायणाची महापूजा व ह.भ.प श्री ज्ञानेश्वर महाराज पाटील ( खानाव) यांचे काल्याचे कीर्तन झाले.यादरम्यान प्रभू श्री रामदूत हनुमान जन्मोत्सव पालखी सोहळा संपूर्ण गावामध्ये काढण्यात आला.या हनुमान जयंती उत्सवानिमित्त गावामध्ये असंख्य हनुमान भक्तांनी दर्शनासाठी गर्दी केली होती.
Be First to Comment