उरणमध्ये १७ पॉझिटीव्ह : ३७ जणांना डिस्चार्ज

सिटी बेल लाइव्ह / उरण(घन:श्याम कडू)

आज उरणमध्ये कोरोना पॉझिटीव्ह १७ जण सापडले आहेत. तर ३७ जणांना घरी सोडण्यात आले आहे. आज एकूण पॉझिटीव्ह ९५२, उपचार करून बरे झालेले ७८६, उपचार घेणारे १३२, मयत ३४ असल्याची माहिती तहसीलदार भाऊसाहेब अंधारे यांनी दिली.

आज पागोटे १, आवरे १, जेएनपीटी १, विमला तलाव उरण १, धुतुम ३, चाणजे पटेल नगर १, कोटनाका २, कुंभारवाडा १, नवे नगर करंजा १, करंजा १, कोप्रोली १, बोकडविरा १, म्हातवली १, बालई १ असे एकूण १७ जण पॉझिटीव्ह आढळले आहेत. तर चिरनेर २, आवरे १, जसखार ३, बोकडविरा १, करंजा २, मोरा १, दादारपाडा १, धुतुम २, मोठे भोम १, मुळेखंड तेलिपाडा २, नागाव १, जेएनपीटी १, उरण १५, सोनारी २, वेश्वि १ असे एकूण ३७ जणांना उपचार करून घरी सोडण्यात आले आहे.
उरण ग्रामीण भागात पॉझिटीव्हचा आकडा कमी होण्याऐवजी वाढताना दिसत आहे. त्यामुळे आता ग्रामीण भागातील जनतेने जागृत राहावून योग्य ती खबरदारी घेत कोरोनाचा सामना करावा लागणार आहे.