मुंबई-गोवा महामार्गावर माणगाव जवळ झाड कोसळले

लाखपाले गावाजवळ वाहतुक कोंडीमुळे वाहनांच्या रांगा

सिटी बेल लाइव्ह / रायगड (धम्मशिल सावंत)

मुंबई-गोवा महामार्गावर माणगाव तालुक्यातील लाखपाले गावाजवळ आज सायंकाळी एक भले मोठे झाड उन्मळून कोसळले. परिणामी या मार्गावर दोन्ही बाजूंची वाहतूक दोन तास ठप्प झाल्याने वाहनांच्या लांब रांगा लागल्या.

दोन दिवसांपासून रायगड जिल्ह्यात सोसाट्याचा वाऱ्यासह मुसळधार पाऊस सुरू आहे. त्यामुळे हे झाड मुंबई गोवा महामार्गावर उन्मळून पडले. या झाडाचा काही भाग एका घरावर पडून घराचे नुकसान झाले. मात्र प्रसंगावधान दाखवून घरातील लोकांनी बाहेर पळ काढला आणि ते वाचले.