प्रशासनाकडून केल्या जाणाऱ्या प्रयत्नामध्ये उचलला खारीचा वाटा

उरणच्या ओएनजीसी एम्प्लॉईज को ऑप क्रेडिट सोसायटी कडून कोवीड सेंटरला विविध वस्तू प्रदान

सिटी बेल लाइव्ह / उरण (अजित पाटील यांजकडून )

उरणच्या ओएनजीसी एम्प्लॉईज को ॲाप क्रेडिट सोसायटी कडून कोवीड सेंटर उरणला विविध वस्तू प्रदान करण्यात आल्या आहेत. महामारीच्या काळात साथ आटोक्यात आणण्यासाठी प्रशासनाकडून केल्या जाणाऱ्या प्रयत्नामध्ये एका खारीचा वाटा म्हणून या वस्तू प्रदान करण्यात आल्या आहेत यामध्ये एक
हाॅट वाॅटर फिल्टर, पन्नास स्टिम वेपोराझर , एक ऑक्सिमीटर आदी वस्तू कोविड रुग्णांच्या सेवेकरिता प्रदाना करण्यात आल्या आहेत. सोसायटीचे चेअरमन अरविंद घरतयांच्या प्रयत्नातून देण्यात आलेल्या या वस्तू वितरण कार्यक्रमाला माजी चेअरमन दिनेश घरत , इक्बाल शेख, वैभव लवेकर, वैभव म्हात्रे आदी संस्थेचे पदाधिकारी उपस्थित होते. उरणचे तहसीलदार श्री. भाऊसाहेब अंधारे यांच्या प्रमुख उपस्थितीत व जे एन पी टी चे विश्वस्त भुषण पाटील ट्रस्टी , खरेखुरे सामाजिक कार्यकर्ते संतोष पवार आणि कोविड योद्धा राजेंद्र मढवी सर आदी यावेळी उपस्थित होते. ओएनजीसी एम्प्लॉईज को ऑप क्रेडिट सोसायटी कडून दिल्या गेलेल्या या वस्तूंमुळे कोविड रुग्नांना गरम पाणी , वाफारा देणे त्याचबरोबर रुग्नाचा तापमान तपासणे आदी कामे सहज सुलभ होणार असल्याचा विश्वास या निमित्ताने कोविड सेंटर कडून व्यक्त करण्यात आला आहे.