माथेरान रुग्णालय कात टाकण्याच्या प्रतीक्षेत

एकशे अठरा वर्षे उलटून गेल्यानंतरही रुग्णालय आजही जैसे थे

सिटी बेल लाइव्ह / माथेरान (मुकुंद रांजाणे )

माथेरान व माथेरान परिसरातील आदिवासी बांधवांसाठी तसेच येथे येणाऱ्या पर्यटकांना उपचारासाठी येथे असलेले बेरामजी जीजीभाई रुग्णलाय आधुनिकरांच्या प्रतीक्षेत असून एकशे अठरा वर्षे उलटून गेल्यानंतरही हे रुग्णालय आजही जैसे थे ह्याच निकषावर सुरु असल्याने माथेरानमधील नागरिकांची गेल्या अनेक वर्षांपासून गैरसोय होत आहे .

शंभर वर्षाहून अधिक जुनी परंपरा असलेले ब्रिटिश कालीन रुग्णालय आज हि माथेरानमध्ये सुरु आहे सेठ बेरामजी जीजीभाई यांच्या स्मरणार्थ इस. 1872 च्या ट्रस्ट सेटलमेंट मधून शेट रुस्तमजी बैरामजी जीजीभाई यांनी ह्या हॉस्पिटल ची इमारत बांधण्याकरिता आणि ती सज्ज करण्याकरिता रु.13100 ची रक्कम दिली ता.3 जून 1902 हे रुग्णालय सुरु झाले म्हणजे शंभर वर्षांपूर्वी सुरु झालेले हे रुग्णालय आजही त्याच स्थितीत आहे माथेरानमधील पर्यटन ह्या काळात भरभराटीस आले पण दुर्दैवाने माथेरानमधील ह्या रुग्णालयातील सुविधा मात्र दिवसेंदिवस कमीकमी होत गेल्या येथे दरवर्षी हजारो पर्यटक येतात हा भाग डोंगराचा प्रदेश तर येथील प्रवासाचे प्रमुख वाहन घोडा,त्यामुळे येथे अनेकवेळा अपघात होत असतात तर येथील स्थानिकांनाही जुजबीच उपचार येथे मिळत आहेत अनेक वर्षांपासून हे रुग्णालय अद्यावत व्हावे म्हणून मागणी सुरु आहे पण त्याकडे शासनाने नेहमीच दुर्लक्ष केले आहे फक्त अपघात झाल्यावरच हा प्रश्न उपस्थित केला जातो व नंतर त्याकडे दुर्लक्ष केले गेले आहे त्यामुळे अनेकांना आपले प्राण गमवावे लागले आहेत ह्याची मागील काही काळात प्रचिती सर्वाना आली आहे .
सध्या सर्वत्र कोरोनाने हाहाकार माजविला आहे रुग्णालये कमी पडत आहेत आणि माथेरानमध्ये शासनाचे स्वतःचे रुग्णालय असताना येथील रुग्णांना उपचारासाठी बाहेर जावे लागत आहे नुकतेच एका महिला रुग्णाला बदलापूरला उपचारासाठी गेली असताना कोरोनाची लागण झाल्याचा प्राथमिक अंदाज आहे त्यामुळे पुन्हा एकदा येथील रुग्णालय हा स्थानिकांमध्ये चर्चेचा विषय ठरू लागला आहे हे रुग्णालय माथेरानमधील शासकीय कार्यालये असलेल्या मध्यवर्ती ठिकाणी आहे येथे भेडसावणाऱ्या समस्यांची जान अधिकारी व स्थानिक प्रतिनिधींनाही आहे पण त्याकडे नेहमीच दुर्लक्ष झाल्याचेच चित्र येथे वर्षोनुवर्षे दिसत आलेले आहे सध्यातर येथे नवीन उपकरणांची गरज असताना प्रत्यक्षात मात्र लाखो रुपये खर्चून ह्या परिसराला दगडी चिरे वापरून संरक्षण भिंती उभ्या केल्या जात आहेत हेच पैसे जर रुग्णालयाच्या आधुनिकरणासाठी वापरले असते तर माथेरानमध्ये पालिकेचे अद्यावत रुग्णालय उभे राहिले अशी चर्चा सामान्य नागरिक करीत आहेत . तुटपुंज्या सुविधांसह येथील वैद्यकीय अधिकारी माथेरानकाराना चांगली सेवा देण्याचा प्रयत्न करीत आहेत अनेकवेळा मागणी करूनही शासन दाद देत नसल्याची खंत त्यांनाही आहे आधुनिक सुविधा उपलब्द झाल्यास हे रुग्णालय येथील पर्यटन ,स्थानिक व आदिवासींसाठी उत्तम पर्यंत ठरू शकणार असल्याने शासनाने ह्यावर लकवरच योग्य तो निर्णय घेऊन माथेरानकरांना न्याय द्यावा अशी मागणी येथील सर्वच स्तरातून होत आहे