मांडवा येथील कुस्ती स्पर्धा रद्द :
दीडशे वर्षांची कुस्ती स्पर्धेची परंपरा खंडित
सिटी बेल लाइव्ह / अलिबाग (प्रतिनिधी) :
दरवर्षी नारळी पौर्णिमेच्या दिवशी मांडवा समुद्रकिनाऱ्यावर होणारी राज्यस्तरीय कुस्ती स्पर्धा कोरोनामुळे यंदा रद्द करण्यात आली आहे. यंदा ही स्पर्धा रद्द कराण्यात आल्यामुळे दीडशे वर्षांची कुस्ती स्पर्धेची परंपरा पहिल्यांदाच खंडित झाली आहे.
मांडवा ग्रामस्थ आणि टाकदेवी क्रीडा मंडळ मांडवा यांच्यातर्फे दरवर्षी मांडवा समुद्रकिनाऱ्यावर कुस्ती स्पर्धा आयोजित केली जाते. या स्पर्धेत रायगड, मुंबई, ठाणे, पालघर, पुणे, सांगली, सातारा या जिल्ह्यांमधील नामांकित मल्ल सहभागी होतात.
यंदा 3 ऑगस्ट रोजी ही कुस्ती स्पर्धा होणार होती. परंतु कोरोनामुळे शासनाने क्रीडा स्पर्धा आजोजित करण्यस बंदी घातली आहे. शासनाच्या आदेशानुसार यंदा ही स्पर्धा रद्द करण्याचा निर्णय आयोजकांनी घेतला आहे.
Be First to Comment