पाली खोपोली परिवहन बस सेवा ततातडीने सुरू करा..!

सुधागड तालुका मनसेची मागणी…! जनहीतार्थ प्रश्नांना मनसेकडून मिळतोय न्याय

सिटी बेल लाइव्ह / पाली/बेणसे.(धम्मशिल सावंत)

पाली ते खोपोली परिवहन बस सेवा तातडीने सुरू करण्याची मागणी सुधागड तालुका महाराष्ट्र नवनिर्माण सेनेतर्फे करण्यात आली. या संदर्भातील मागणी पाली तहसीलदार दिलीप रायन्ना वार यांच्याकडे करण्यात आली आहे. जनहीतार्थ विविध प्रश्नांना मनसेकडून न्याय मिळताना दिसतोय.
सुधागड तालुका मनसे अध्यक्ष सुनील साठे यांनी सांगितले की सुधागड तालुका हा आदिवासी बहुल तालुका आहे. रुग्णालयासह अन्य कामांसाठी नागरिकांना खोपोली चा मोठा आधार आहे. मात्र लॉक डाऊन काळात परिवहन बससेवा बंद करण्यात आली, जिल्ह्यात सद्यस्थितीत लॉकडाऊन उठविण्यात आला असून सुधागड तालुक्यातील बहुतांश सामान्य नागरिक कामधंद्यासाठी , उपचारासाठी खोपोली, पनवेल इत्यादी ठिकाणी जातात. मात्र महाराष्ट्र परिवहन मंडळाच्या बस बंद असल्यामुळे त्यांना पदरमोड करून खाजगी वाहनांनी प्रवास करावा लागत आहे. त्यामुळे सामान्य नागरिकांना आर्थिक नुकसान सहन करावे लागत आहे. जिल्ह्यातील काही तालुक्यात परिवहन बस सेवा चालू आहे. त्यामुळे सुधागडात देखील बस सेवा चालू करावी ही विनंती मनसे तालुकाध्यक्ष सुनिल साठे यांनी केली आहे. सदर मागणीचा शासनस्तरावर सकारात्मक विचार करून जनतेला आवश्यक असणारी परिवहन बससेवा सुरू करण्यासाठी प्रयत्न केले जातील असे तहसीलदारांनी आश्वाशीत केले.
विविध जनहीतार्थ प्रश्नावर सुधागड मनसे पुढाकार घेत असल्याने सुधागडवासीय जनतेने मनसेचे आभार मानले आहेत.