शिवरत्न सेवा संघाच्या वतीने रक्तदान शिबीराचे आयोजन

सिटी बेल लाइव्ह / कांजुरमार्ग- (पंकजकुमार पाटील)

कांजुरमार्ग पुर्व येथील शिवसेना पुरस्कृत शिवरत्न सेवा संघातर्फे मुख्यमंत्री , शिवसेना पक्षप्रमुख उद्धव ठाकरे यांनी केलेल्या आवाहनानुसार व विभागातील लोकप्रिय- कार्यसम्राट आमदार सुनिल राऊत यांच्या जन्मदिनाचे औचित्य साधून तसेच राजावाडी शासकीय रुग्णालयाच्या सहकार्याने रक्तदान शिबिराचे आयोजन करण्यात आले आहे .
सध्या मुंबईसह महाराष्ट्रात पसरलेल्या कोरोना सारख्या महामारीसारख्या आजारात व या कठीण परिस्थितीत रक्ताचा तुटवडा भासू नये यासाठी सामाजिक बांधिलकी म्हणून मा.उपविभागप्रमुख सुधाकरभाई पेडणेकर व मा.शाखाप्रमुख महेश पाताडे यांनी रविवार दि २६ जुलै २०२० रोजी सकाळी ९:०० ते २:०० या वेळेत कांजुरगांवातल्या बाजारपेठेेेेलगत असलेल्या सेंट फ्रान्सिस झेविअर्स हायस्कूल (चर्च शाळा ), मेन मार्केट, कांजुरमार्ग (पूर्व) याठिकाणी सदर ‘रक्तदान शिबिर’ आयोजित केले आहे.यावेळी प्रत्येक रक्तदात्यास आकर्षक भेटवस्तू दिली जाणार आहे. सुरक्षेची बाब म्हणून या शिबिरात सामाजिक अंतर ( social distancing -3 फूट ) ठेवण्यात येईल व शासनाच्या सर्व अटी व शर्तींचे पालन केले जाईल. विशेष कार्यकारी अधिकारी संदेश उपरकर हे या शिबिराचे मुख्य व्यवस्थापक असणार आहेत . या रक्तदान शिबिरासाठी इच्छुक रक्तदात्यांनी अभिषेक टेमकर -८१६९६८९०३१, जीवन देसाई -८०७०३५३१८६ यांच्याशी संपर्क साधावा .
तेव्हा रक्तदानासारख्या सर्वश्रेष्ठ दानासाठी सदर शिबिरास विभागातील जनतेने अधिकाधिक संख्येने प्रतिसाद देण्याचे आवाहन आयोजकांनी केले आहे .