शिवसेनेचे महानगरप्रमुख रामदास शेवाळे यांचे महानगरपालिका आयुक्तांना पत्र

प्राथमिक आरोग्य केंद्रातील ॲटीजेन चाचण्या थांबल्या : किट उपलब्ध नसल्याने मोठ्या प्रमाणात अडचणी 🔶🔷🔶🔷

सिटी बेल लाइव्ह / पनवेल /प्रतिनिधी 🔆🌟💠✳️

पनवेल महानगरपालिकेच्या प्राथमिक आरोग्य केंद्रात अॅटीजेन चाचण्यांची व्यवस्था करण्यात आली आहे. त्यामुळे काही मिनिटात कोरोना लक्षण आहेत की नाही. हे समजून येत असल्याने कोरोना नियंत्रणासाठी ही चाचणी उपयुक्त ठरत आहे. परंतु गेल्या काही दिवसांपासून याकरता लागणाऱ्या किट उपलब्ध नसल्याची माहिती समोर आली आहे. त्यामुळे अॅटीजेन चाचण्या होत नाहीत. दरम्यान या किट त्वरित उपलब्ध करून द्याव्यात अशी मागणी शिवसेनेचे पनवेल महानगर प्रमुख रामदास शेवाळे यांनी मनपा आयुक्त सुधाकर देशमुख यांच्याकडे केली आहे. त्यांनी त्याबाबत सोमवारी प्रशासनाला निवेदन दिलेले आहे.

वाऱ्याच्या वेगाने कोरोना बाधितांच्या संख्येत वाढ होतेय. त्यामुळे सर्वाधिक रुग्ण आढळेल्या विभागात
अँटीजेन टेस्ट करण्यात येतंय. या चाचणीसाठी रुग्णाच्या रक्ताचे नमुने घेतले जातात. या रक्ताच्या नमुन्यातून १५ ते २० मिनिटांत शरीरात कोणते विषाणू आहेत याचा तपास लागतो. लक्षणं नसलेल्या लोकांसाठी रॅपिड टेस्टिंग वरदान ठरतंय. रुग्णाच्या शरीरात अॅन्टिबॉडी कार्यरत नसेल तर त्या व्यक्तीला कोरोनाची लागण होण्याची शक्यता असते. रॅपिड अँटीजेन ही कोरोना चाचणीला पर्याय असल्याने गेल्या काही दिवसांमध्ये मनपा हद्दीतील आरोग्य केंद्रांमध्ये नागरिकांनी मोठ्या प्रमाणात आपल्या चाचण्या करून घेतल्या. त्यामुळे कोरोना संसर्ग झालेल्या रुग्ण डिटेक्ट होवून त्यांच्यावर उपचार सुरु करण्यात आले. यामुळे कोरोनाविषाणू चे संक्रमण नियंत्रणात आणण्यात सुद्धा बऱ्यापैकी यश मिळाले.

स्वॅब घेतल्यानंतर कोरोना अहवाल प्राप्त होण्यास दोन ते तीन दिवसांचा कालावधी लागतो. दरम्यान पनवेल महानगरपालिकेने सर्व आरोग्य केंद्रात अँटीजेन चाचणीस सुरूवात केले. दिवसभरात अनेकांची चाचणी केली जात होती. परिणामी यामुळे कोरोनाची लक्षणे असलेले रुग्ण डिटेक्ट होतात . कोरोना विषाणूंचे संक्रमण थांबवण्यासाठी ही पद्धत अधिक सोपस्कर असल्याचे दिसून आले. दरम्यान गेल्या काही दिवसांपासून पनवेल महानगरपालिकेच्या आरोग्य केंद्रावर अँटीजेन टेस्टिंग किट उपलब्ध नाहीत. परिणामी टेस्ट करण्याचे काम थांबले आहे. यामुळे कोरोना नियंत्रण आणि संक्रमण थांबवण्याचा दृष्टिकोनातून अडचणी येऊ लागल्या आहेत. पनवेल महानगरपालिकेने त्वरित,अँटीजेन टेस्टिंग किट उपलब्ध करून नागरिकांच्या जास्तीत जास्त चाचण्या कराव्यात अशी मागणी शिवसेनेचे महानगरप्रमुख रामदास शेवाळे यांनी केली आहे. लवकरच या किट तपासणी केंद्रांना दिल्या जातील असे प्रशासनाकडून सांगण्यात आले आहे.

रॅपिड अँटीजेन चाचणीद्वारे अवघ्या अर्ध्या तासात कोरोनाबाबतचे निदान होत असल्याने संबंधित रुग्णास तातडीने उपचारार्थ दाखल करून प्रसार रोखण्यास मदत होत आहे. या अनुषंगाने पनवेल महानगरपालिका क्षेत्रातील कोरोनाचा वाढता संसर्ग आटोक्यात आणण्याकरीता रॅपिड अँटीजेन चाचणी केंद्र सुरू करण्यात आले आहेत. मात्र त्या ठिकाणी किट उपलब्ध नसल्याने अँटीजेन चाचण्या थांबल्या आहेत. परिणामी नागरिकांना ही गैरसोयींना सामोरे जावे लागत आहे. या पार्श्वभूमीवर महानगरपालिका आयुक्तांना पत्र देऊन त्वरित उपलब्ध करून देण्याची मागणी केली आहे. प्रशासनाकडून सकारात्मक प्रतिसाद मिळाला आहे.

रामदास वामन शेवाळे
पनवेल महानगर प्रमुख, शिवसेना