हेदवली येथील श्रीमती जानकी लाड यांचे निधन

सिटी बेल लाइव्ह / गोवे कोलाड (विश्वास निकम ) 🔷🔶🔷🔶

रोहा तालुक्यातील हेदवली गावातील रहिवाशी व राष्ट्रवादीचे कार्यकर्ते ऐनघर ग्राम पंचायतीचे माजी उप सरपंच व सदस्य तानाची लाड तसेच ऐनघर पंचक्रोशी ग्रामीण युवा बेरोजगार संघटनेनेचे सल्लागार अनिल लाड यांच्या मातोश्री श्रीमती जानकी लाड यांचे अल्पशा आजाराने आकस्मित निधन झाले.मृत्यू समयी त्यांचे वय ९२ वर्ष होते.ऐनघर पंचक्रोशीत त्यांचे मोलाचे सामाजिक कार्य आणि विभागातील महिलांशी जोडलेली नाती त्यामुळे या परिसरात त्यांची चांगली ओळख होती त्यांच्या निधनाने लाड परिवार व हेदवली गावावर दुःखाचे डोंगर कोसळले असून परिसरात शोककळा पसरली आहे,

श्रीमती जानकी बाई ह्या सर्वांच्या परोपकारी पडणाऱ्या तसेच त्यांचा प्रेमळ स्वभावामुळे सर्वांच्याच परिचित होत्या.त्या सामाजिक कार्यात नेहमी सक्रिय होत्या.त्यांच्या अचानक झालेल्या मृत्यूमुळे सर्वत्र शोक व्यक्त केला जात आहे.

त्यांच्या निधनाची वार्ता समजताच त्यांच्या अंत्यविधीसाठी सोशल डिस्टन्समुळे मोजकेच नागरिक उपस्थित होते.परंतु मोबाईल वरुन असंख्य नागरिकांनी त्यांना श्रद्धांजली वाहण्यात आली.त्यांच्यावर हेदवली येथील वैकुंठ धाम येथे अंत्यसंस्कार करण्यात आले.त्यांच्या पश्चात मुलगे, मुलगी,सून,पुतणे,नातवंडे,पतवंडे व मोठा लाड परिवार आहे.त्यांचे उत्तरकार्य विधी मंगळवार दि.२५ ऑगस्ट २०२० त्यांच्या निवासस्थानी हेदवली येथे होणार असल्याची माहिती त्यांच्या कुटूंबियांकडून प्राप्त झाली आहे.