सुधागडमध्ये खैर वृक्षतोड प्रकरण उघड – दोन आरोपींना अटक, कटर मशिनसह साहित्य जप्त

सुधागड : प्रतिनिधी

मिळालेल्या गुप्त माहितीनुसार, सुधागड वनपरिक्षेत्रातील अधिकारी व कर्मचारी यांनी मौजे भारजे, ता. सुधागड येथील एका फॉर्महाऊसवर धाड टाकून अवैधरित्या खैर वृक्षतोड करत असलेल्या दोन व्यक्तींना ताब्यात घेतले आहे.

या कारवाईदरम्यान संशयितांकडून खालील गोष्टी जप्त करण्यात आल्या:

खैर सोलीव लाकूड

२ कटर मशीन

२ कुऱ्हाडी

तक्रारीच्या अनुषंगाने भारतीय वन अधिनियमांतर्गत (Indian Forest Act) गुन्हा नोंदवून संबंधित दोन्ही व्यक्तींना अटक करण्यात आली आहे.

ही कार्यवाही खालील अधिकाऱ्यांच्या पुढाकाराने पार पडली:

श्री. उत्तम शिंदे (वनपाल)

श्री. पवार (वनरक्षक)

श्री. काकडे (वनरक्षक)

या कारवाईसाठी श्री. विशाल सोनवणे, वनपरिक्षेत्र अधिकारी, सुधागड-पाली यांचे मोलाचे मार्गदर्शन लाभले.

सुधागड वनपरिक्षेत्रामार्फत अवैध वृक्षतोडीविरुद्ध सातत्याने कडक उपाययोजना राबविण्यात येत आहेत. नागरिकांनी अशा प्रकारच्या अवैध कृत्यांची माहिती जवळच्या वनविभाग कार्यालयास द्यावी, असे आवाहन करण्यात येत आहे.

— वनपरिक्षेत्र अधिकारी, सुधागड-पाली