शिक्षकांच्या मागण्यांसाठी आमदारांचे विधानभवनाच्या परिसरात आंदोलन

सिटी बेल ∆ मुंबई ∆

राज्यातील शिक्षकांच्या विविध मागण्यांसाठी विधानभवनाच्या परिसरात आमदार बाळाराम पाटील,आमदार सुधीर तांबे, आमदार अभिजित वंजारी, आमदार जयंत आसगावकर, आमदार किशोर दराडे यांनी पक्षाचे झेंडे बाजूला सारत आंदोलन केले.

– सन २०१२-१३ च्या नैसर्गिक वाढीच्या वर्ग, तुकड्यांना शंभर टक्के अनुदान लागु करणे.
– अघोषित प्राथमीक, माध्यमिक व उच्च माध्यमिक शाळांना निधीसहीत घोषित करणे.
– अंशतः अनुदानित शाळांना शंभर टक्के अनुदान लागू करणे.
– घोषित त्रुटी पात्र शाळेचा शासननिर्णय निर्गमित करणे.
– विनाअनुदानित व अंशअनुदानित शिक्षकांना सेवासंरक्षण लागू करणे.
– २००५ पूर्वी नियुक्त शिक्षकांना जुनी पेन्शन लागू करणे.
– वाढीव पदांना अनुदान मिळालेच पाहिजे.
राज्यातील शिक्षकांच्या या व अशा अनेक मागण्यांसाठी हे आंदोलन करण्यात आले.

शिक्षकांना न्याय मिळायलाच पाहिजे, त्यांच्या मागण्या मान्य झाल्याच पाहिजेत, यावर आम्ही ठाम आहोत असा निर्धार यावेळी या आमदारांनी व्यक्त केला.