सूरदास गोवारी यांच्या सूचनेनुसार कामोठ्यात मोफत आधार कार्ड नोंदणी शिबीर
सिटी बेल | कामोठे | प्रतिनिधी |
राष्ट्रवादी काँग्रेस पार्टी कामोठे शहराच्या वतीने पालकमंत्री अदितीताई तटकरे यांच्या मार्गदर्शनाखाली ,महाराष्ट प्रदेश सचिव सूरदास गोवारी यांच्या सूचनेनुसार राष्ट्रवादी कामोठे शहराच्या वतीने २२ व २३ ऑक्टोबर २०२१ रोजी ह.भ. प दामाजी गणपत गोवारी विद्यालय कामोठे येथे मोफत आधार कार्ड नाव नोंदणी शिबिराचे आयोजन करण्यात आले आहे .
या शिबिरामध्ये नवीन आधार कार्ड , नावातील दुरुस्ती ,पत्ता दुरुस्ती ,जन्म तारीख दुरुस्ती ,मोबाइलला नंबर लिंक करणे ,बायो मेट्रिक अपडेट करणे या सोयी उपलब्ध करण्यात आल्या आहेत .या शिबिराचे उदघाटन महाराष्ट्र प्रदेश सरचिटणीस व नवी मुंबई शहर निरीक्षक प्रशांत पाटील यांच्या हस्ते करण्यात येणार आहे .
या कार्यक्रमास महाराष्ट्र प्रदेश महिला सरचिटणीस व पनवेल शहर निरीक्षक भावनाताई घाणेकर , पनवेल महानगर पालिका जिल्हा अध्यक्ष नगरसेवक सतीश पाटील ,पनवेल शहर जिल्हा कार्यध्यक्ष शिवदास कांबळे , नगरसेवक विजय खानावकर आदी मान्यवर उपस्थित राहणार असल्याचे आयोजकांच्या वतीने सांगण्यात आले आहे .
या शिबिराच्या नोंदणी व माहितीकरिता , कामोठे शहर कार्याध्यक्ष किशोर मुंडे संपर्क क्रमांक ८७७९८६४१४०, पदवीधर सेल कामोठे शहर कार्याध्यक्ष सामीध फदाले ८७९६९४३४७७, कामोठे शहर उपाध्यक्ष अनंत वारे ९९८७५५६६३३, पदवीधर सेल पनवेल जिल्हा अध्यक्ष स्वप्नील काटकर ८७९६९४३४७७, पनवेल जिल्हा सरचिटणीस नागेश पवार ८१०८००७१७३ , कामोठे शहर उपाध्यक्ष महेंद्र पाटील ९५९४६८९८९२ यांच्याशी संपर्क साधावा असे सांगण्यात आले आहे .
Be First to Comment