वारा

वारा
थंडगार वारा सुखवी मनाला
पानाफुलांवरील झुलवी दवांना
धरतीच्या कुशीत हिरवी तृण पर्णे
वारा देई त्यास सुंदर तरंग लहरे

हाच वारा घाली पिंगा अंगणात
माहेरी जाऊनी करी सुखाची बरसात
वारा घाली शीळ मंजुळ स्वरात
मनाला डोलवी आनंद होई मनात

सोसाट्याचा वारा मन सैरभैर करी
परी क्षणभरात मन स्थिर ही करी
वारा पाखरांच्या पिलांना जोजवी प्रेमाने
जसे माय लेकराला जोजवी मायेने

पक्षांच्या पंखांना भरारी देई वारा
मन मुक्त होऊनी संचार आकाशी करा
पहाटवारा मन धुंद गंधीत करी
कुंजवनातील सुगंध सर्वत्र पसरवी

कडक उन्हात वारा उन्हाच्या झळा देई
परी तोच वारा थंड वाऱ्याची झुळूक देई

असा हा वारा अनेक रुपांनी सजला
हाच असे खरा निसर्गाचा नजराणा
वाऱ्या सम आपणही रहावे
जीवनाचा आनंद लुटत रहावे

नयना पेंढारकर, नवीन पनवेल