देवीची महती सांगणारी आणि तिला केलेल्या प्रार्थनेची कविश्री- अरुण दत्ताराम म्हात्रे यांची कविता.
🔶🔷🔶
देवीस प्रार्थना
संकटे - दुःख दूर करणारी
तारणारी तू या दुनियेला
कर जोडूनी करतो वंदन
मनोभावे माते मी तुजला...
सदाचारी अनं सद्गुणी जे
कृपा-दृष्टी असू दे त्यांच्यावर
रुद्ररूप तुझे दाखव अशांना
जे जगतात भ्रष्टाचारावर...
सात्विक रुप ते सतेज-सुंदर
ममता तुझी ती प्रेमळ-निर्मळ
परिस्थितीनुरूप अवतार घेशी
राक्षशी-वृत्तींना करशी घायाळ...
तुझा महिमा, कीर्ती अपार
विनम्र कर तू पापी-दुष्टांना
वाढू दे मानवता दशदिशांना
हेच मागणं - हीच प्रार्थना...
©
® कविश्री- अरुण दत्ताराम म्हात्रे. नवी मुंबई मो.- 9987992519.
Be First to Comment